Хусусий бандлик агентликлари учун янги талаблар қўйилди

Хусусий бандлик агентликлари фаолияти кучайтирилган молиявий кафолатлар асосида амалга оширилади, деб хабар берди Миграция агентлиги.

Хабарга кўра, агентликлар ишни бошлашдан олдин БҲМнинг 4 000 баробари миқдоридаги маблағни тижорат банкидаги махсус депозит ҳисобвараққа жойлаштириши шарт.

“Маблағни Миграция агентлиги розилигисиз сарфлаш мумкин эмас. Aгар сарфланса — белгиланган муддатда маблағни тўлиқ тиклаш талаб этилади”, дейилади агентлик хабарида.

Қайд этилишича, маблағ банк, Миграция агентлиги ва хусусий бандлик агентлиги ўртасидаги махсус шартнома асосида сақланади.

Агар хусусий бандлик агентлиги қонун бузса ёки фуқаролар манфаатларига зарар етказса, Миграция агентлиги асосланган талабнома киритади. Банк депозитдан талаб қилинган суммани олиб, Миграция жамғармасига ўтказади.