Сардор Рашидов: Голларим орқали ўзбекистонлик футбол мухлисларини хушнуд этмоқчиман

Спорт 21 Сентябрь 2015 2367

Қатар Юлдузлар Лигасида давом эттираётган ўзбекистонлик ёш футболчи Сардор Рашидов 19 сентябрь куни “Ал Жайиш” клуби таркибидаги илк голини нишонлашга муваффақ бўлди.

Шундан сўнг sports.uz нашри мухбири футболчи билан боғланди ва ундан интервью олди.

Қатардаги янги жамоасига илк ўйинларданоқ тез киришиб кетган Рашидов шу руҳда давом этиши ва ўз голлари билан ўзбекистонлик мухлисларини хурсанд қилиш ниятида эканини айтди.

- Сардор, “Ал Жайиш” сафидаги дастлабки голингизни уришга муваффақ бўлдингиз. Таассуротлар қандай?
- Ростини айтадиган бўлсам, “Ал Сайлия”га қарши ўйин анча қизиқ тарзда ўтди. Қувонарли жиҳати шундаки, мазкур учрашувда мен “Ал Жайиш” таркибидаги илк голимни уришга муваффақ бўлдим. Бундан жуда ҳам хурсандман. Зеро дебют гол ҳар доим ҳам ёқимли бўлади. Бу ўйинда жамоамиз чиройли тарзда зафар қучди. Қўлга киритилган ғалабага мен ҳам оз бўлсада ўз ҳиссамни қўша олдим, деб ўйлайман. Менга билдирилган ишончни сал бўлса ҳам оқлаганимдан шодман.

- Секин-аста “Жайиш”нинг ўйин услубига мослашиб, жамоадошларингиз билан “тил топишиб” бораётган бўлсангиз керак…
- Ҳа, шундай. Аммо ҳали клубдошларим билан тўла бир-биримизни тушуниб кетдик, дея олмайман. Ҳаракат қиляпман, мураббийларнинг кўрсатмаларини бажаришга ва жамоадошларим билан яқинроқ бўлишга уриняпман. Аммо ҳали бироз вақт керак. Насиб этса, яқин орада жамоага тўла киришиб кетаман.

- Қатарда тўп суришни бошлаганингизга ҳали унча кўп вақт бўлгани йўқ ва эндигина иккита учрашувда ўйнадингиз. Шу икки ўйиндан келиб чиқиб, сизда Юлдузлар Лигаси тўғрисида қандай фикрлар пайдо бўлди?
- Таассуротларим фақат ижобий. Тўғри, ҳали чемпионат савияси ва ўйинлар тўғрисида фикр билдиришга эрта. Аммо ўзим ўйнаган иккита баҳсдан хулоса қилиб айта оламанки, ташкилотчилик ва ўйин атмосферасига гап йўқ. Биз футболчилардан фақат майдонга чиқиш ва ўзимизнинг нималарга қодир эканимизни кўрсатиш талаб этилади, холос.

Насиб этса, Қатар чемпионатида ҳам ўз ўрнимни топишга ҳаракат қиламан. Қўлимдан келганча яхши ўйнаб, голлар киритиш орқали юртимиздаги кўплаб футбол мухлисларини хушнуд этишни истайман, - дейди маҳоратли ярим ҳимоячи.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 22414 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 24647 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12700 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53978 Жамият
Тиббиётдаги энг хавфли 10 жараён
19:31 313 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 755 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 726 Жамият
Қирғизистонга қарши ўйинга мухлислар киритилмаслигига расман изоҳ берилди
19:14 1837 Спорт
Кўпроқ янгиликлар