Париждаги теракт: Жароҳатланганлар сони 250 нафарни ташкил этмоқда

Жаҳон 14 Ноябрь 2015 3173

Париж шаҳрида 13 ноябрь оқшомида содир этилган давомли терактлар туфайли жароҳат олиб, шифохоналарга ётқизилганлар сони 250 нафарга етди. Бу ҳақда прокуратурадаги манбасига асосланган ҳолда, Франс Пресс нашри хабар тарқатган.

Бундан олдинги хабарларда, расмий манбалар қурбон бўлганлар сони 128 нафар, жароҳатланганлар эса 180 нафарлигини маълум қилганди. Жароҳатланганларнинг 99 нафари оғир аҳволда экани айтилган.

Кеча Франция тарихидаги энг катта теракт содир бўлди. Франция Президенти фавқулодда вазият эълон қилди, давлат чегаралари ёпилди.

Париждаги “Батаклан” театрини босиб олиш вақтида гаровдаги одамларнинг 100 га яқини ўлдирилган, қолганлари эса пойтахтнинг бошқа районларидаги терактларда вафот этган.

Дастлаб номаълум кишилар Парижнинг 10-округидаги ресторанларидан бирида отишма бошлашган. Сўнгра америкалик рок гуруҳи концерт бераётган “Батаклан” театрида 100 га яқин киши гаровга олингани тўғрисида хабар тарқалди.

Бундан ташқари, Франция ва Германия ўртасида футбол бўйича ўртоқлик учрашуви бўлаётган “Стад де Франс” стадиони яқинида гранаталар портлатилган, бу вақтда мамлакат президенти Франсуа Олланд ҳам стадионда эди.

Кейинчалик Сена дарёсининг ўнг қирғоғидаги Париж кўчаларидаги ресторанларга ташриф буюрганларга қарата ўқ узишлар содир этилганлиги ҳақида хабарлар тарқалди.
Ҳокимият парижликларга дарҳол уйларига қайтишни буюрди. Париж шифохоналари фавқулодда ишлаш ҳолатига келтирилган.

Франция таълим вазирлиги пойтахт ҳудудидаги шанба куни бўладиган мактаб ва университетлардаги барча машғулотларни, шунингдек мактаб саёҳатлари ва экскурсияларни бекор қилди.

Террорчилик ҳаракатлари учун жавобгарликни “Ислом давлати” террорчилик гуруҳи ўз зиммасига олди.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4782 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5654 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21123 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49948 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 5799 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 3693 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 6166 Жаҳон
Хитой хорижий инвестицияларга чеклов жорий қилди
23:08 / 21.08.2017 3241 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 5096 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 4759 Технология
Кўпроқ янгиликлар