«Мен уйда бўлишим зарур...»

Жамият 18 Март 2016 652

Мирзамурод Мирзаев Бухоро вилоятининг ажойиб ва мафтункор Ромитон шаҳрида туғилган. Узоқ орзу-умидлар билан кутилган кичкинтой юрак хасталиги билан туғилди. Шифокорлар унда аниқланган юрак қоринчалари ўртасидаги парда нуқсонини вақти келиб олиб ташлайдилар, деган умид оилада сўнмас эди. Лекин Мирзамурод ўн бир ёшга тулганида юрак пардалари ўртасидаги ғайритабиий тешик катталашиб, 11 см га етди. Бу юрак пардалари орасидаги тешикнинг экстремал ҳажми эди ва шу сабабдан шифокорлар зудлик билан операция қилишни талаб қилишди.

Тақдир тақозоси билан оила Новосибирск шаҳрига бориб қолди. У ердаги шифокорлар ҳам операция қилишни таклиф этдилар, лекин Мирзамуроднинг онаси Қундузнинг айтишича, ҳеч қандай кафолат берилмади.

Юрак қоринчалари ўртасидаги парда нуқсонини тузатиш операцияси - энг кўп ўтказиладиган, шу сабабдан энг яхши ўрганилган жарроҳлик услубларидан ҳисобланади. Лекин бола юрак хасталигидан ҳолсизланган бўлса, вазнида камомад аниқланса, парда нуқсони катта бўлса, очиқ юракда, сунъий қон айлантириш ускунасига болани улаб, операция қилиш, албатта, хавфли ҳол. Ота-она таваккалга ишонмадилар ва ватанига қайтдилар. Озгина вақт ўтгач, Мирзамуроднинг отаси тирикчилик ишлари билан кетди ва шундан бери ундан ҳеч бир хабар йўқ.

Вақт оқиб кетаверди, шу билан бирга, юрак операция қилиш учун мутлақо яроқсиз бўлиб қолиши хавфи ҳам ошиб бораверди. Бу хасталикнинг шундай бир ёмон хусусияти бор - бир нуқтага келиб, юрак жарроҳлик учун яроқсиз бўлиб қолади. Лекин турмуш ўртоғисиз қолган Қундуз учун яна бир тўсиқ пайдо бўлди - очиқ юракда операция қилиш учун зарур бўлган махсус қимматбаҳо оксигенатор ускунасига пул етишмасди.

Тўғри, Ўзбекистонда болаларни даволаш бепул, лекин, афсуски, ҳамма муҳтожларга ҳам оксигенаторлар етишмайди...

Мирзамурод туғилиб-ўсган Ромитонда Хўжа Азизоннинг мақбараси бор - афсоналарга кўра, у зот буткул бечора бўлиб қолган инсонларга ҳам шифо келтирган. «Мен мўъжизага ишондим ва у рўёбга чиқди - оддий, лекин меҳрибон инсонлар ҳаракати билан», - дейди Мирзамуроднинг онаси.

Операцияга зарур бўлган оксигенаторлар «Сочная долина» савдо белгиси 2015 йилнинг ноябрида ўтказган «Ҳаётларни бирга қутқарайлик!» акцияси давомида тўпланган маблағлар ҳисобидан харид қилинди. Ноябрь ойи мобайнида ҳар бир сотилган шарбат қутисидан тушган пулнинг бир қисми оғир хасталикка чалинган болаларни операция қилиш учун жамланди. Акция 15 нафар боланинг операциясига етарли пул маблағи тўплади.

Жамланган маблағ Тошкент педиатрия институтининг шифохонаси ҳисоб рақамига ўтказилди ва шу ерда операциялар ўтказилди. Оксигенаторлар ва бошқа зарур бўлган дори-дармон ҳамда ашёларни излаб топиш, харид қилиш ва расмийлаштириш билан боғлиқ ташвишларни институт бошқаруви ўз зиммасига олди. Ўз беморларини туғилган кунидан ёки ташҳис қўйилганидан бери таниган шифокорлар уларнинг оилавий аҳволлари, ота-оналарининг имкониятларини ҳам яхши биладилар. Шу сабабдан шифокорларнинг ўзлари кам таъминланган оилаларда истиқомат қилувчи ва операцияга ўта муҳтож 15 нафар болакайни тавсия этишди.

Мирзамурод операция хонасига мардларча кирганини, шифокорларнинг барча кўрсатмаларини бажарганлиги, шифокор илтимосига кўра завқ билан ўнгача санаб бошлаб, бешга ҳам етмай ухлаб қолганини сўзлаб берди.

«Биласизми, мен уйга кетишим керак, боғимизда ўрик, шафтоли, узум бор. Еттита қўйим ҳам мени кутиб қолди. Сиз хафа бўлмангку, лекин кетишим керак – мен уйда бўлишим зарур...», дейди Мирзамурод, хайрлашув чоғида. Болалар кардиожарроҳлик маркази шифокорларининг айтишларича операция муваффақиятли ўтди ва бир-икки йилдан сўнг фақат кўкрагидаги чандиқ Мирзамуродга операция ўтказилганлигини эслатиб туради.

Бу ўн бешта «Юрак ҳикоялари»дан ўн биринчиси ва ҳали буларнинг давоми бор.

Юрак ҳикоялари. Биринчи ҳикоя. «Мен бор жойда - доим қуёш чарақлайди...»

Юрак ҳикоялари. Иккинчи ҳикоя: «Энди мен яшашни истайман...»

Юрак ҳикоялари. Учинчи ҳикоя: «Ура, мен операцияга бораман!»

Юрак ҳикоялари. Тўртинчи ҳикоя: «Қўлбола мўъжиза»

Юрак ҳикоялари. Бешинчи ҳикоя: Она: Ўғилчамнинг юракчаси ураяптими, деган хавотирда уйғониб, қулоғимни кўкрагига қўйиб эшитмаган кеча бўлмаса керак

Юрак ҳикоялари. Олтинчи ҳикоя: Олтинчи ҳикоя: «Танишлар у ҳали ҳам ҳаётми деб, ажабланишар эди...»

Юрак ҳикоялари. Саккизинчи ҳикоя:  «Эврика, мени тузатишди!»

Юрак ҳикоялари. Тўққизинчи ҳикоя: Ҳамма бахтли бўлсин! 

Реклама ҳуқуқлари асосида.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33393 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 71333 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10124 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 134662 Жамият
Барча замонларнинг энг яхши қора танли спортчилари рўйхати тузилди
23:56 / 19.08.2017 11 Спорт
АПЛ. «Арсенал» мағлубиятга учради
23:50 / 19.08.2017 9 Спорт
Месси ҳам «Барселона»ни тарк этиши мумкин
23:30 / 19.08.2017 1803 Спорт
Эрдўған Германия ички ишлар вазирига “жойини билишни” маслаҳат қилди
23:17 / 19.08.2017 1156 Жаҳон
ОАВ: Барселонада портловчи моддалар ортилган фургонлар орқали учта нуқтада ҳужум режалаштирилганди
22:30 / 19.08.2017 1204 Жаҳон
«Суперкамбэк». Денисов 3 ойлик танаффусдан кейин сафга қайтган ўйинда «Локомотив» қаҳрамонлик кўрсатди
22:20 / 19.08.2017 2806 Спорт
Кўпроқ янгиликлар