AQShdagi savdo markazida ommaviy qotillik sodir etishda gumonlanuvchi qo‘lga olindi

Politsiya AQShning Vashington shtati, Berlington shahrida joylashgan savdo markazida otishma keltirib chiqarib, 5 kishini o‘ldirishda gumonlanayotgan shaxsni qo‘lga oldi. Bu haqda shtat politsiyasining rasmiy tvitterida ma'lum qilindi.

"Mergan qo‘lga olindi, batafsil tafsilotlar matbuot anjumani vaqtida ma'lum qilinadi", deyilgan xabarda.

ABC News telekanali ma'lumotiga ko‘ra, gumonlanuvchi Ok-Xarbor shahrida yashovchi 20 yoshli Arkan Setrin. Uni jinoyatni sodir etishga undagan sabablar aniqlanmadi.

Bundan avvalgi xabarlarda 24 sentabr oqshomida Siyetl shahridan 105 km shimoldagi Berlington shahrida, Cascade Mall shahrida otishma oqibatida 4 ayol va bir erkak halok bo‘lgani xabar qilingandi.

Jinoyatchi taxminan Lotin Amerikasi vakili ekani va ov miltig‘i bilan qurollangani aytilgandi.

Uning videokameralarga muhrlangan suratlari tarqatildi.