«Барселона» ҳужумчиси Лионель Месси «Рома» футболчиси Франческо Тоттини 40 ёшга чиққани билан табриклади.

«Салом, Франческо. Сени туғилган кунинг билан табрикламоқчиман. Кунни аъло даражада ўтказишингни тилайман.

Мен ҳамиша сенинг ўйинларингдан завқ олганман, ҳайратга тушганман. Сен билан учрашган кунимизда эса янада завқландим. Қаттиқ қучиб қоламан», деган Месси видеомурожаатида.