Нима учун ит инсонга дўст тутинади?

Жамият 30 Сентябрь 2016 11366

Линчепингдаги (Швеция) Университет тадқиқотчилари итларда инсон билан дўстлашишга мойиллик уйғотувчи генларни аниқлашди. Олимлар ўз хулосаларини Science Reports журналидаги мақола орқали маълум қилишди. 

Мутахассисларнинг сўзларига кўра, уларнинг мақсади итнинг пайдо бўлишига олиб келган бўрининг уй ҳайвонига айланишидаги генетик асосларни аниқлаш бўлган. Олимлар ўз изланишларида махсус лабаратория шароитларида парвариш қилинган 437 биглни (ит зоти) ўрганишган. Ҳар бир итни нотаниш тажрибачи билан бир хонага жойлаштиришган. Жониворларга ичида егулик бўлган 3та пластик контейнер кўрсатишган, улардан бирини фақат инсонгина очиши мумкин бўлган. 

Егуликни олиш учун итларга 3 дақиқа берилган. Аксарият ҳолларда жонивор инсондан ёрдам беришни сўраган, бунда у инсонга термулиб, унга сакраб мулоқотга киришган. Бироқ баъзи бигллар контейнерни ўзлари очишга ҳаракат қилишган. 

Тадқиқотчилар ижтимоий ҳамкорлик учун энг яхши 95 ва энг ёмон 95 итни танлаб олишган. Жониворлардан ДНК намуналари олинган ва ҳар бир гуруҳдаги итларга қандай ген турлари хос эканлигини аниқлашган. 

Натижалар шуни кўрсатдики, инсон билан мулоқотга мойиллиги бўлган жониворларда ҳар бири камида 5тадан генга эга икки геном соҳаси мавжуд. Ана шу 5 гендан 4таси инсон генларига яқин бўлиб чиқди, улардаги мутациялар ижтимоий тартибсизликлар, масалан, аутизм хавфини оширади. 

Тадқиқотчиларнинг таъкидлашича, генетиканинг дўстона муносабатга ҳиссаси 30 фоизни ташкил қилади (бошқа омилларга тарбияни мисол қилиш мумкин). Бундан ташқари, итларнинг инсон билан яқинлашувига ўнлаб ёки юзлаб инобатга олинмаган генлар сабаб бўлиши эҳтимолдан холи эмас. 

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48851 Жамият
Қозоғистонда ўзбек автомобиллари ишлаб чиқарилиши кенгайтирилиши мумкин
Лотин алифбосидан кимлар қўрқади?
22:45 404 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
Мустақиллик байрами Миллий боғда ўтказилмайди
Samsung Galaxy S9 cмартфони билан боғлиқ баъзи маълумотлар ошкор бўлди
2018 йил ҳосили учун август пиёзи ҳамда тўқсонбости усулида сабзавот экинларини жойлаштиришга доир қарор имзоланди
Полиция Барселона теракти ижрочиси йўқ қилинганини тасдиқлади
22:20 1468 Жаҳон
Испаниялик сузувчи жаҳон чемпионатида терактлар қурбонлари хотирасига бир ўзи сукут сақлади
22:20 680 Спорт
АҚШ ҲДК навбатдаги тўқнашувдан сўнг Тинч океанидаги тадқиқотларини тўхтатди
22:15 940 Жаҳон
Кўпроқ янгиликлар