Словакиянинг биринчи президенти Михал Ковач 86 ёшида Братиславада вафот этди, деб хабар бермоқда Teraz нашри.

Ковач юрак етишмовчилиги оқибатида вафот этган. Унинг ўлими ҳақидаги ахборотни яқинлари тасдиқлашган.

Ковач Словакияга 1993-1998 йилларда раҳбарлик қилган. Жорий йилнинг мартида Ковач икки бор шифохонага ётқазилганди. Ковач оғир касаллик туфайли охирги йилларда омма олдида деярли кўриниш бермаган.