Флориданинг миллионлаб аҳолиси "Мэттью" довули туфайли уйларини тарк этмоқда

Жаҳон 07 Октябрь 2016 8467
Фото: Reuters

Миллионлаб кишилар Флорида штатининг Атлантика океани билан қирғоқларидан кетмоқда. Бу қирғоқларга кейинги 10 йил ичидаги энг кучли довул бостириб келмоқда.

Довулларни ўрганиш маркази прогноз қилишича, бўрон вақтида Флорида қирғоқларида сув баландлиги 5 метрга кўтарилиши мумкин. Бу ўзидан ҳалокатли оқибатларни келтириб чиқаради.

"Меттью" довули хавфлилиги даражаси мавжуд 5та даражадан тўртинчисига кўтарилган. Флоридага 2004 йилдан буён бундай хавф таҳдид солмаганди.

"Меттью" Флориданинг марказий ва шимолий туманларини вайрон қилиб, Жоржия ва Жанубий Каролина томон ҳаракатланиши кутилмоқда.

АҚШ президенти Барак Обама бу 3 штатда фавқулодда ҳолат тартиби жорий этди ва ҳудудларга қутқарувчи гуруҳлар жўнатилишини маълум қилди.

Кўплаб туманларда ҳайдовчилар бензинга навбатлар ҳосил қилишган, маҳаллий аҳоли сув ва озиқ-овқат захираларини тўпламоқда. Мактаблар, давлат муассасалари бинолари ҳамда университетлар ёпилмоқда.

Майами аэропортида рейсларнинг 90 фоизи бекор қилинган. Флоридада 10 йил ичида илк марта "Диснейуорлд" кўнгилочар хиёбони ёпилди.

"Бошқа варианти йўқ. Тирик қолай десангиз, қочинг", деган Флорида штати губернатори Рик Скотт.

"Агар "Меттью" Флоридага тўғридан-тўғри ёпирилса, талофатлар катта бўлади", деган губернатор ва эвакуация ишлари бошланганини эълон қилган.

Охирги маълумотларга кўра, Гаитида ушбу довул оқибатида ҳалок бўлганлар сони 340 нафарга етди.

БМТ маълумотига кўра, Гаитида 350 минг киши ёрдамга муҳтож аҳволда қолмоқда.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 7584 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 8443 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50979 Жамият
Ўзбекистон Бош прокуратураси ходимлари Қозоғистонда бўлди
ФВВ тизими органларининг иш тартиби белгиланди
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 2157 Lifestyle
ОАВ: Ким Чен Ин Жанубий Корея билан чегарадаги ҳарбий базага махфий тарзда борди
09:42 2968 Жаҳон
КХДР АҚШ ва Жанубий Кореяга "шафқатсиз ўч олиш" билан таҳдид қилди
09:41 4403 Жаҳон
Чинозлик фуқаронинг уйидан 4 килограммга яқин марихуана моддаси топилди
09:38 737 Жамият
Ўзбекистон ТИВ раҳбари Ҳиндистоннинг таҳлилий марказлари вакиллари билан учрашди
Кўпроқ янгиликлар