Курд «пешмерг» отрядлари (Ироқ Курдистони қуролли отрядлари) Ироқ ҳарбийлари билан мувофиқ ҳолда Мўсул яқинида кенг кўламли ҳарбий амалиёт бошлади. Бу ҳақда курдларнинг қўмондонлиги твиттерида маълум қилинган.

"Соат 6:00да Хазирдаги курд жангчилари Мўсулга шарқдан, Гвер ва Гайярадаги Ироқ ҳукумати қўшинлари эса шаҳарга жанубдан ҳужум бошлади. Бу Найнавани озод этишда (Мўсул марказидаги ҳудуд) катта қадам бўлади", дейилган хабарда.

Хазирдаги 4 минг нафардан ортиқ пешмерг жангчилари Курдистон ва Ироқ федерал ҳукумати келишуви асосида бир қанча қишлоқларни ИШИДдан озод қилган.

"Бизда ироқликлар ва коалиция билан келишув бор, биз Мўсулга кирмаймиз", деган "пешмерглар" бош штаби раҳбари Жамал Иминики.

Курдлар амалиёт давомида ироқлик ҳарбийларга зарур вақтда ёрдам бериши кўзда тутилган.

Халқаро коалиция самолётлари 16 октябрь куни бўлажак ҳужумга тайёргарлик доирасида ИШИДнинг позицияларига зарба берганди.

Ироқдаги иккинчи энг йирик шаҳар ҳисобланмиш Мўсул 2014 йил ёзидан буён ИШИД назоратида бўлиб турибди. Душанбага ўтар кечаси Ироқ бош вазири Ҳайдар ал-Ободий Мўсулни озод қилиш бўйича ҳал қилувчи жанглар бошланиши ҳақида маълум қилди.