Эквадор ҳукумати WikiLeaks асосчиси ва Эквадорнинг Лондондаги элчихонасида 2012 йилдан бери қолаётган Жулиан Ассанжга интернетга қиришни қисман чеклаб қўйганини расман тан олди. Бу ҳақда Reuters ахборот агентлиги хабар бермоқда

"Эквадор, ўзининг суверен ҳуқуқидан фойдаланиб, Буюк Британиядаги элчихонасида алоқа тизимларига киришни вақтинчалик чеклаб қўйди", деб айтилди ҳукумат берган баёнотда.

Эквадор ҳукумати бу чеклов WikiLeaks’га "журналистик фаолиятини" амалга оширишда халақит бермаслигини маълум қилди. 

Аввалроқ Ассанжга интернет тармоғига уланиш чеклангани маълум қилинганди.  WikiLeaks маълумотларига кўра, бу чора АҚШ давлат котиби Жон Керри илтимосига кўра амалга оширилган.