Эрон президенти Ҳасан Руҳоний Европа Иттифоқи дипломатияси бошлиғи Федерика Могерини билан учрашув давомида Сурия ихтилофининг ҳарбий ечими йўқлигини айтди, деб хабар бермоқда РИА “Новости” ахборот агентлиги. 

"Ҳамма билиши керак, Сурия масаласининг ҳарбий ечими йўқ. Муаммони сиёсий йўллар билан ҳал қилиш керак ва Европа Иттифоқининг Сурияда хавфсизлик ва осойишталикни қарор топтиришда минтақадаги бошқа давлатлар билан иштирокини фаоллаштириши ўз таъсирини кўрсатади", деб айтди Руҳоний.   

Руҳоний Европа Иттифоқини раҳбарияти террорчилик ташкилотларига ҳомийлик қилувчи давлатларга босим ўтказишга чақирди.