АҚШ президенти Барак Обама тўсатдан SiriusXM радиостанциясидаги “Sway in the Morning” радиошоусига қўнғироқ қилиб, мусиқа ва спорт борасида нималарни хуш кўриши ҳақида гапириб берди. Бундан ташқари, Обама унинг рафиқаси Мишель келажакда ҳеч қачон президентликка номзодини қўймаслигини, чунки унга бунда истак ва сабр етишмаслигини айтиб ўтди.  

"Мен рэпчи Дрейкни яхши кўраман. У истеъдодли ва молиявий томондан ишлари яхши, Jay-Z эса қироллигича қолмоқда", деб ўз мусиқий қарашлари билан бўлишди Обама.

Обама спорт борасидаги қарашлари ҳақида гапириб, NBA чемпионатида Golden State Warriors баскетбол жамоаси учун мухлислик қилишини айтди. Дарвоқе, бу жамоа охирги икки йилдан бери миллий чемпионатда ғолиб бўлиб келмоқда.