NetSuite компанияси акциядорлари компаниянинг дастурлар ишлаб чиқарувчи Oracle компанияси томонидан 9 млрд долларга сотиб олинишини маъқулладилар. Бу ҳақда Bloomberg ахборот агентлиги хабар бермоқда. Бу битимга NetSuite акциядорларининг 53 фоизи рози бўлган.

Oracle компанияси асосчиси Ларри Эллисонга NetSuite’нинг 40 фоиз акцияси тегишли.  

Дастлабки келишувларга кўра, Oracle компанияси NetSuite’нинг ҳар бир акциясига 109 доллардан ҳақ тўлаган. Битим 2016 йил охиригача ёпилади.

NetSuite компанияси ўрта бизнес учун дастурларга кириш хизматини тақдим қилади ҳамда булутли технологиялар асосчиси ҳисобланади.