Бугун Одесса вилояти губернаторлигидан истеъфо берган Михаил Саакашвилининг билдиришича, Украина президенти Петро Порошенко минтақадаги жиноий гуруҳларга ҳомийлик қилади.

«Украиналиклар учун нима фарқи қолади, Порошенко ҳам Янукович ҳам бирдек халқнинг манфаатлари билан ҳисоблашмаса?», — деди сиёсатчи.

У қайд этдики, Порошенко ўз вақтида уни Арсений Яценюкдан узоқроқда бўлишга чақирган.

«Биз «Тозалаш учун» ҳаракатини ташкил этдик ва Яценюкдан қутулишга ёрдам бердик. Натижада нима бўлди? Аввал қандай ўмаришган бўлса, ҳозир ҳам шундай ўмаришда давом этишмоқда. Мен бунга ортиқ чидай олмайман. Мен жуда чарчадим. Мени ҳаётимда бунчалик кўп алдашмаганди. Одесса вилоятидаги икки клан президент ҳомийлигида: Буларнинг бири 1990-йиллардаги Одесса шаҳри мэри Геннадий Труханов қотилларидан иборат гуруҳ, бошқаси Одесса вилоят кенгаши раиси Анатолий Урбановнинг Измаил клани», — дея қўшимча қилган Саакашвили.

Эслатиб ўтамиз, Михаил Саакашвили Одесса вилоят маъмуриятига 2015 йил 30 майида раҳбарлик қилишни бошлаган эди. У бу лавозимга Пётр Порошенко тавсияси билан тайинланган эди. 

Саакашвили истеъфога чиқди

Саакашвили истеъфога кетиш сабабларини маълум қилди