2016 йилнинг 8 ноябрь куни Ўзбекистон Республикаси Ташқи ишлар вазири Абдулазиз Комилов Америка Қўшма Штатларининг Фавқулодда ва Мухтор Элчиси Памела Леора Спратленни қабул қилди. Бу ҳақда ТИВ сайти хабар берган.

Суҳбат давомида АҚШ Давлат котибининг сиёсий масалалар бўйича ўринбосари Томас Шенноннинг 27-29 октябрь кунлари Ўзбекистонга ташрифи доирасида бўлиб ўтган Ўзбекистон-АҚШ учрашувлари ва музокаралари натижалари муҳокама қилинди.

Шунингдек, учрашувда икки томон кун тартибининг бошқа масалалари ҳам кўриб чиқилди.