АҚШ президентлиги учун сайлов чоғида сайловчилардан камида бир нафари «Барселона»нинг аргентиналик ҳужумчиси Лионель Мессига овоз берган.

Sport нашри маълумотига кўра, сайловчилардан бири бюллетенга унинг исми-шарифини ёзган.

8 ноябрь куни АҚШда умумхалқ сайлови бўлиб ўтди. Республикачилардан номзод Дональд Трамп президентликка сайланиш учун етарли миқдорда овоз тўплади. У зарур 270та овоз ўрнига 279та овозга эга бўлган. Унинг асосий рақиби Демократлар вакили Ҳиллари Клинтон учун 218 сайловчи овоз берди.