БМТ: Ливия ИШИД муаммосини иқтисодий инқироз эвазига ҳал қилди

Жаҳон 07 Декабрь 2016 9435
Фото: AP

Ливиянинг молиявий имкониятлари уч йил ичида икки мартага қисқарган. Шу билан мамлакатга иқтисодий инқироз таҳдид солмоқда. Сўнгги ойларда нефть қазиб олиш ўсганига қарамай, Ливия ушбу муаммога дуч келиши мумкин. Бу ҳақда БМТ бош котибининг ушбу мамлакатдаги махсус вакили Мартин Коблер Хавфсизлик кенгашидаги чиқишида сўз юритган. 

У Ливиядаги жараённи бир-бирига зид ҳолда тасвирлади. У ҳукумат армиясининг ИШИД жангариларига қарши курашда муваффақиятини таъкидлаш баробарида, Ливия иқтисодиётида жиддий муаммолар мавжудлигини, миллий сулҳ жараёнига оид масалаларни қайд этган. 

Унинг сўзларига кўра, Ливияда "август ойидан бошлаб нефть қазиб олиш ҳажми қарийб 3 мартага ошган ва кунига деярли 600 минг баррелни ташкил этган", аммо, шунга қарамай, мамлакат бюджетидаги камомад ЯИМнинг 70 фоизини ташкил этмоқда. 

"Агар ҳеч нарса ўзгармаса, мамлакат иқтисодий таназзулга юз тутади", - дея огоҳлантирган Мартин Коблер. Бу каби вазият, Коблернинг фикрича, Ливияда ҳукм сураётган коррупция ва қонунга бўйсунмаслик ҳолатлари туфайли вужудга келган. Бунинг оқибатида "миллиардлаб доллар маблағ яширин ҳисобларга ўтказилмоқда".

Шу билан бирга, махсус вакил муваққат ҳукумат ва Ливия Марказий банки ўртасида етарли ҳамкорлик йўлга қўйилмаганини таъкидлаган. 

БМТ махсус вакили ўз чиқиши давомида Ливия қаршисида турган муаммоларни ҳал этиш бўйича 6 банддан иборат режани илгари сурган. Унинг айтишича, мамлакатга "аспирин эмас, антибиотиклар зарур".

Биринчидан, миллий бирлик ҳукумати ва уни тан олмаган парламент вакиллар палатаси ўртасидаги келишмовчиликка барҳам бериш зарур. 

Шундан сўнг, қуролланган гуруҳлар, терроризм таҳдиди каби муаммоларга барҳам берилиши, иқтисодиётни тиклаш ва инсон ҳуқуқлари билан боғлиқ вазиятни яхшилаш зарур. Ва ниҳоят, хавфсизлик нуқтаиназаридан Тунисга кўчирилган БМТ миссиясини яна Ливия пойтахти Триполига қайтариш лозим. 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50177 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66175 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35463 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20298 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77119 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60819 Жамият
«ПСЖ» Ди Марияни «Барселона»га сотиш нархини маълум қилди
20:34 55 Спорт
103 ёшли комбожалик аёл АҚШ фуқаролигини қабул қилди
20:25 213 Жаҳон
Ҳабиб Нурмагомедов Мейвезер ва Макгрегор ўртасидаги жангга шарҳловчилик қилади
20:21 1620 Спорт
Чадда Қатар элчихонаси ёпилиши эълон қилинди
20:15 277 Жаҳон
Кўпроқ янгиликлар