ЕЧЛ анонси. F гуруҳи ким биринчи, «Реал» ёки «Боруссия»?

Спорт 07 Декабрь 2016 4546

F гуруҳида иккала ўйинда ҳам аниқ масалаларга ойдинлик киритилади. Марказий учрашувда гуруҳ ғолиби аниқланса, Польшада эса Европа лигаси йўлланмаси ўйналади. Tribuna.Uz гуруҳдаги охирги тур анонсини келтирган.

Реал Мадрид – Боруссия Д (00:45, Матч! Футбол 1)
Бош ҳакам: 
Шимон Марчиньяк (Польша).

Плей-офф масаласини ҳал қилиб олган икки жамоа энди ўзаро ўйинда гуруҳда ким ғолиб бўлиши масаласига ойдинлик киритиб олиши керак. Дортмундда жамоалар бир очкодан бўлишиб олганди. Бу сафар ҳам дуранг натижа немисларни қаноатлантиради.

«Реал» бундан икки кун олдин ҳам «Боруссия»га қарши учрашувни ўйлаётгани йўқ эди. Жамоа Испания чемпионатидаги энг принципиал рақибга қарши учрашува майдонга тушиб, сўнгги дақиқаларда киритган голи эвазига ўзлари учу қониқарли натижага эришди. «Боруссия» эса «Легия» билан афсонавий ўйиндан кейин, бундеслигада бошқа бир «Боруссия»ни йирик ҳисобда мағлубиятга учратди. Жароҳатдан тузалиб сафга қайтган Марко Ройс сўнгги учрашувларда жамоанинг сермаҳсул ўйинларида асосий ролни бажармоқда.

Ҳозирча иккала жамоанинг шу кунгача ўтказган ўзаро ўйинларида 4 ғалаба, 4 дуранг, 3 мағлубият билан «Реал» етакчилик қилмоқда. Тўплар нисбати бўйича кўрсаткич ҳам мадридликлар фойдасига — 16-14.

«Реал» таркибида Гарет Бэйл узоқ муддатга сафдан чиққан. Алваро Мората ва Пепе умумий гуруҳ билан бирга машғулотларда иштирок этмоқда ва бугунги учрашувга тушиш учун тайёр бўлиб турибди. Аммо Тони Кроос ҳам машғулотларда қатнашаётган бўлишига қарамай, Зидан унинг тўлиқ тикланиб олишига хавф солиб, таваккалга бормаса керак. «Боруссия» таркибида Геррейро, Марсель Шмельцер, Эрик Дурм жароҳатидан фориғ бўлган. Аммо Свен Бендер ва дарвозабон Роман Бурки ҳамон жамоа лазаретида қолмоқда ва бу учрашувни ўтказиб юборишади.

Легия – Спортинг (00:45, Матч! Наш спорт)
Бош ҳакам: 
Жанлука Роччи (Италия)

Европа лигаси йўлланмаси ўйналадиган учрашувда мезбонларни фақатгина ғалаба қониқтиради. «Спортинг» эса дуранг натижа қайд этган тақдирда ҳам баҳорда еврокубокларга яна қайтиши мумкин бўлади.

Чемпионлар лигасида мағлубиятига қарамай, ўйини билан кўпчиликка манзур бўлган «Легия» Польша экстраклассасида сўнгги турда дуранг натижа қайд этди. Бунгача учта ўйинда жамоа кетма-кет ғалаба қозониб келаётганди.  «Спортинг» эса Португалия суперлигаси сўнгги уч турдан бери очко йўқотгани йўқ. Жамоалар шу кунга қадар уч маротаба рўбарў келишган бўлиб, португаллар иккита учрашувда зафар қучишган. Битта учрашувда дуранг натижа қайд этилган.

Польшаликлар энг кучли таркибдан фойдаланиши кутилмоқда. «Спортинг»да эса муаммолар мавжуд. Жоао Перейра дисквалификаци туфайли, Люк Кастайнос ва Эзекиэл Шелотто жароҳати сабаб лиссбаонликларга ёрдам бера олмайди.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 8721 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 42747 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 68985 Ўзбекистон
Кун.uz офис изламоқда
15:48 / 06.08.2017 40097 Lifestyle
КХДР Хитойдан озиқ-овқат маҳсулотлари импортини бир неча баробарга оширди
14:48 31 Жаҳон
Африканинг энг бой одами АҚШ ва Европага 50 млрд доллар сармоя киритади
14:46 299 Жаҳон
Мирзиёев Қозоғистон мудофаа вазири билан ҳарбий ҳамкорликни муҳокама қилди
Януковичга давлат томонидан тақдим этилган адвокат уни ҳимоя қилишдан бош тортди
13:32 2013 Жаҳон
Ўктам Барноев: Бухорода 500 дан ортиқ диний зиёрат қадамжолари бор
Хитой Россияга ўз ҳудудида янги АЭС қуришни таклиф қилди
13:07 2858 Жаҳон
Кўпроқ янгиликлар