Душанба куни Нью-Йорк аэропортида фавқулодда қўнишга мажбур бўлган Германиянинг Lufthansa авиакомпанияси самолёти бортида ҳеч қандай бомба топилмаган. Бу ҳақда аэропорт маъмурияти хабар берди.

"Ҳукумат Жон Кеннеди номидаги аэропортга пўписа сабаб жўнатилган Lufthansa самолёти билан ҳолат юзасидан изоҳ берди. Йўловчилар хавфсиз жойга кўчирилди... бомба топилмади", - дейилади аэропорт маъмуриятининг Твиттерда чоп этилган хабарида.

Маълумотларга кўра, рейсда бўлган барча йўловчилар меҳмонхоналарда жойлаштирилган. 

Аввалроқ, ушбу самолёт бортида ҳамюртимиз Оксана Чусовитина ҳам бор бўлгани ҳақида хабар бергандик.