Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Нью-Йоркда бортида Оксана Чусовитина бўлган самолёт портлаш хавфи туфайли фавқулодда қўнди
15:41 / 13.12.2016
8477

Ўзбекистон гимнастикачи Оксана Чусовитина Нью-Йорк аэропортида фавқулодда қўнган самолёт йўловчилари орасида бўлган. Бу ҳақда етти Олимпия ўйинлари иштирокчиси ТАСС’га хабар берган.

"Парвоз давомида бизга бомба ҳақида хабар келиб тушди, - деди спортчи. – Биз Нью-Йоркдан учиб бўлгандик ва бирданига ортга қайрилиб, деярли 10 дақиқа ичида қайтиб қўндик. Биз самолётни текширишгандан сўнг, яна учиб кетамиз, деб ўйлагандик. Аммо ҳаммани хавфсиз жойга олиб ўтиб, рейсни бекор қилишди".

"Фақатгина эртага эрталаб парвоз қилишимиз мумкин экан", - дея қўшимча қилиб ўтди Чусовитина.

Аввалроқ, Германиянинг Lufthansa авиакомпанияси самолёти Нью-Йоркдаги халқаро аэропортга фавқулодда қўнгани ҳақида хабар бергандик. Хьюстондан Франкфуртга йўл олган рейс “телефон орқали портлаш ҳақида пўписа қилингач” фавқулодда қўнган.
 


Улашинг
Top