Украинанинг Олий Радаси депутати Владимир Парасюк Россиянинг Туркиядаги элчиси Андрей Карловни ўлдирган шахсни "қаҳрамон" деб атади. Бу ҳақда у ўзининг Facebook ижтимоий тармоғидаги саҳифасида ёзган.

"Қачонки инсон ўз жонини танлаган ғоялари, билган ҳақиқати учун қурбон қилар экан, уни ишонч билан ҚАҲРАМОН деб аташ мумкин!", дея ёзган Парасюк.

Депутат ўз постига россиялик 62 ёшли дипломатни ортдан туриб отган туркиялик собиқ полиция зобити Мавлуд Мард Олтинтошнинг суратини жойлаган.

У пост остида изоҳ қолдириб, қотилни "ўз халқи қаҳрамони" дея таъкидлаган.

Андрей Карлов Анқарадаги Замонавий санъатлар марказида фотокўргазма очилиши вақтида отиб ўлдирилди. Унинг қотили ҳам тез орада йўқ қилинди.