АҚШнинг лавозимидан кетаётган президенти Барак Обама Чикаго шаҳрида 10 январь куни хайрлашув нуқти билан чиқиш қилади. Бу ҳақда Оқ уй сайтида чоп этилган баёнотда айтилган.

"Сешанба, 10 январь куни уйимга – Чикагога қайтаман ва сизларнинг олдингизда хайрлашув нутқимни сўзлайман", - дейилади баёнотда.

"Мен матнни эндигина ёза бошладим. Бироқ уни сизларга ажойиб саёҳат учун миннатдорчилик билдириш имкони сифатида кўрмоқдаман ва сўнгги саккиз йил давомида бу мамлакатни яхши томонга ўзгартирганимизда ёрдам берган услублар, шунингдек қандай йўналишда олдинга ҳаракат қилишимиз ҳақида бир қатор фикрларимни билдираман ", - таъкидланади Обаманинг баёнотида.

АҚШнинг сайланган президенти Дональд Трампнинг инаугурацияси 20 январь куни Вашингтондаги Капитолий биноси олдида ўтказилади. Маросимда тахминан 2-3 миллион киши иштирок этиши кутилмоқда.