Ўзбекистон тўқимачилик саноатига солиқ ва божхона имтиёзлари берилди

Ўзбекистон 05 Январь 2017 7829

Ўзбекистон Республикаси Президенти Шавкат Мирзиёевнинг 2016 йил 21 декабрдаги қарори билан “2017-2019 йилларда тўқимачилик ва тикув-трикотаж саноатини янада ривожлантириш чора-тадбирлари дастури” қабул қилинди. Қарор матни Lex.uz порталида эълон қилинган.

Ҳужжат иқтисодиётдаги таркибий ўзгартиришларни давом эттириш, тўқимачилик ва тикув-трикотаж саноатини модернизациялаш, диверсификациялаш ва жадал ривожлантиришни таъминлаш, пахта толаси ва ипак хом ашёсини чуқур қайта ишлаш, хорижий инвестицияларни кенг жалб этиш йўли билан рақобатбардошли, ташқи бозорларда талаб қилинадиган тайёр, экспортга йўналтирилган маҳсулотлар ишлаб чиқариш ҳажмлари ва турларини кенгайтириш мақсадида қабул қилинган. 

Президент қарори билан пахта толаси ва ипак хом ашёсини чуқур қайта ишлаш негизида ташқи бозорда талаб юқори бўлган тўқимачилик ва тикув-трикотаж маҳсулотларни ишлаб чиқариш кўрсаткичлари ҳамда шундай маҳсулотларни ишлаб чиқариш бўйича инвестиция лойиҳалари тасдиқланган. 

Лойиҳаларда хорижий инвестициялардан ташқари Ўзбекистон тижорат банкларини ҳам низом жамғармалари таркибига киритиш орқали жалб этиш орқали молиялаш кўзда тутилган. 

Шунингдек, қарорда 2017 йил 1 январдан тўқимачилик ва тикув-трикотаж соҳасининг ноозиқ-овқат маҳсулотлари экспортидан тушган хорижий валютанинг бир қисмини ваколатли банкларга мажбурий сотиш тартибини бекор қилиш белгилаб қўйилган. 

Бундан ташқари, 2020 йилгача ноозиқ-овқат истеъмол товарлари ишлаб чиқаришда фойдаланиладиган, республикада ишлаб чиқарилмайдиган хом ашё ва материаллар, шу жумладан, Ўзбекистон Республикаси Вазирлар Маҳкамаси томонидан тасдиқланадиган рўйхатларга мувофиқ, комиссия шартномалари асосида импорт қилинадиган ускуналар, бутловчи буюмларини олиб кирувчилар божхона тўловларидан озод этилган (божхона расмийлаштириш йиғимлари бундан мустасно). 

Республикада ишлаб чиқарилмайдиган, ушбу қарорнинг инвестиция лойиҳаларини амалга ошириш доирасида Ўзбекистон Республикаси Вазирлар Маҳкамаси томонидан тасдиқланадиган рўйхат бўйича четдан келтириладиган технологик асбоб-ускуналар, бутловчи буюмлар ва эҳтиёт қисмлар ҳам божхона тўловларидан озод қилинган.  

Ушбу муддат давомида ноозиқ-овқат маҳсулотларини ишлаб чиқаришга ихтисослашган соҳа корхоналарига ҳам солиқ имтиёзлари ва божхона преференциялари тақдим этилади. 

Ўзбекистонда тўқимачилик ва тикув-трикотаж саноатини ривожлантириш дастури қабул қилинди

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20177 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49337 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 1021 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 427 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 1713 Жаҳон
Хитой хорижий инвестицияларга чеклов жорий қилди
23:08 / 21.08.2017 1301 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 2076 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 2349 Технология
Лотин алифбосидан кимлар қўрқади?
22:45 / 21.08.2017 3409 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 3359 Ўзбекистон
Кўпроқ янгиликлар