«Manchester Yunayted» Grizmanni ko‘ndirishga urinmoqda

«Manchester Yunayted» klubi «Atletiko» hujumchisi Antuan Grizmann bilan shartnoma imzolashni rejalashtirmoqda. The Sun xabariga ko‘ra, «Manchester Yunayted» vakillari fransiyalik futbolchini Angliyaga ko‘chib o‘tishga ko‘ndirish uchun unga 220 ming funt miqdoridagi maosh taklifini bermoqchi.

Grizmanning transfer qiymati esa 86 million funtni tashkil etishi mumkin. Hozirda inglizlar jamoasi futbolchining agenti bilan muzokara olib bormoqda. Ammo Madrid klubi bilan bu borada aloqaga chiqilmagan.

Bundan oldingi xabarlarda «MYu» 2017 yilning yozida Grizmann va Saul Niges uchun 170 mln yevro (145 mln funt) sarflashga tayyorligi aytilgandi.