«Тошкент» РФБнинг 2016 йилги айланмасига доир маълумотлар тақдим этилди

Иқтисодиёт 09 Январь 2017 3262
Фото: «Тошкент» Республикаси фонд биржаси

«Тошкент» Республика фонд биржаси савдо айланмасининг умумий ҳажми 2016 йилда биржа фаолияти тарихидаги энг юқори кўрсаткични - 299,8 млрд. сўмни ташкил қилди ва 2015 йил савдо айланмасига (161,0 млрд. сўм) нисбатан 1,9 мартага ошди. Бу ҳақида РФБ расмий сайтида хабар берилди. 

Бу даврда фонд биржасида қимматли қоғозлар билан амалга оширилган битимлар сони 3080 тани ташкил этган ҳолда 2015 йилга нисбатан 1,1 марта юқори натижа қайд этилди. Йил бошидан буён биржа савдолари орқали 141 та акциядорлик жамиятининг 689,1 млн. дона қимматли қоғозлари билан биржа битимлари амалга оширилди.

Манба: «Тошкент» Республикаси фонд биржаси

2016 йил давомида қуйидаги савдо секцияларида савдо битимлари амалга оширилди:

- давлат акция пакетларини сотиш секциясида – 22,3 млрд. сўмлик савдо битими, шундан 0,4 млрд. сўмлик қисми (0,13 млн. АҚШ долл.) хорижий валютада сотилган;

- иккиламчи бозор секциясида – 205,5 млрд. сўмлик савдо битими, шундан 112,6 млрд. сўмлик қисми (35,9 млн. АҚШ долл. ва 45,7 минг Евро) хорижий валютада сотилган;

- қўшимча чиқарилган акцияларни жойлаштириш секциясида - 68,0 млрд. сўмлик савдо битими, шундан 10,0 млрд. сўмлик қисми (3,4 млн. АҚШ долл.) хорижий валютада сотилган;

- корпоратив облигациялар  билан 4,0 млрд. сўмлик битим имзоланди. 

Ўтган 2016 йилда умумий биржа савдо айланмасида иқтисодиётнинг молиявий тармоғи улуши 51,6% ёки 154,8 млрд. сўмни ташкил қилган ҳолда, шундан 50,6% ёки 151,8 млрд. сўмлик қисми тижорат банкларининг қимматли қоғозлари билан амалга оширилган битимлардан иборат бўлди. 2015 йилда биржа савдо айланмасида молиявий тармоқнинг улуши 88,4% ёки 141,3 млрд. сўмни ташкил қилган эди.

Шунингдек, ўтган даврда умумий биржа савдо айланмасида агросаноат мажмуасининг улуши ўсган ҳолда 5,3% ёки 14,9 млрд. сўмни (2015 йилда – 7,4% ёки 11,8 млрд. сўм), саноат тармоғининг улуши эса 24,6% ёки 73,7 млрд. сўмни (2015 йилда – 0,3% ёки 0,5 млрд. сўм) ташкил қилди.

Қурилиш материаллари тармоғига кирувчи жамиятларнинг қимматли қоғозлари билан амалга оширилган битимлар ҳиссаси биржа савдо айланмасида 1,2% ёки 3,5 млрд. сўмдан (2015 йилда – 1,9% ёки 3,1 млрд. сўм) иборат бўлди.

Кун янгиликлари
МХХ 2 тоннадан ортиқ гиёҳвандлик воситаларини ёқиб юборди
16:00 / 23.06.2017 22343 Ўзбекистон
Қозоғистонда ЙТҲ туфайли ҳалок бўлган ўзбекистонликлар рўйхати эълон қилинди 
12:46 / 23.06.2017 60309 Ўзбекистон
Салоҳиддин Шарипов: “Ҳалол луқма – инсон саодатининг калитидир”
22:51 / 22.06.2017 26743 Жамият
Хайрулла Ҳамидов: “Огоҳлантиришсиз чалинган қўнғироқ”
16:13 / 21.06.2017 65734 Спорт
Коллеж битирувчиси иш изловчи эмас, иш берувчи бўлади
23:33 / 23.06.2017 495 Жамият
Aston Martin гиперкарида от кучлари сони килограмм кўрсаткичларидан ҳам кўпроқ бўлади
23:04 / 23.06.2017 866 Технология
 Зинедин Зидан — 45 ёшда (фото)
22:54 / 23.06.2017 1926 Спорт
Ўзбекистонда 2016 йилда қанча наркожиноятлар фош этилгани маълум  
22:36 / 23.06.2017 1128 Жамият
Ислом маданияти маркази бинолари қурилишига Алишер Усмонов ҳомийлик қилади
22:36 / 23.06.2017 6552 Ўзбекистон
Бепарво она «Ўрикзор» бозорида болаларини автомашинаси ичида қаровсиз қолдирди
22:31 / 23.06.2017 11103 Жамият
Кўпроқ янгиликлар