Ўзбекистон минтақаларида ҳукуматнинг ваколатли вакиллари пайдо бўлади

Ўзбекистон 09 Январь 2017 31132

Ўзбекистон Вазирлар Маҳкамаси «Ҳудудларни комплекс ижтимоий-иқтисодий ривожлантириш масалалари бўйича Ахборот-таҳлилий департамент Низоми»ни тасдиқлади. Ҳукумат шу хусусда қарор қабул қилган. Ушбу ҳужжатга мувофиқ, мазкур Департамент Бош вазир раҳбарлигида фаолият юритади ва Ўзбекистон Бош вазирининг Биринчи ўринбосарига бўйсунади. 

Департамент фаолияти Вазирлар маҳкамаси, унинг Президиуми ҳамда ҳукуматнинг ҳудудларни ижтимоий-иқтисодий комплекс ривожлантириш бўйича ижроия аппаратини ахборот-таҳлилий материаллар билан таъминлашга қаратилган. 

Қарорда таъкидланишича, Департаментнинг Қорақалпоғистон Республикаси, вилоятлар ва Тошкент шаҳри бўйича бош ва етакчи мутахассислари Вазирлар Маҳкамасининг ўзлари бўлиб турган ҳудуддаги ваколатли вакили ҳисобланади. 

Янги департамент минтақаларнинг ижтимоий-иқтисодий ривожланишини мониторинг ва таҳлил қилади, ҳудудларни ривожлантириш дастурлари ижросини таъминлаш, шунингдек, ҳудудларнинг иқтисодий ривожланиши ва ижтимоий соҳадаги аҳволи юзасидан таҳлилий материаллар тайёрлайди. 

Бундан ташқари, ҳар бир ҳудуддаги меҳнат ва ишлаб чиқариш салоҳияти, минерал-хом ашё базасидан самарали фойдаланиш, минтақаларни ижтимоий-иқтисодий ривожлантириш бўйича таклифларни ҳам ишлаб чиқади. 

Ҳудудлардаги аҳоли орасидаги демографик жараёнлар, жинслар орасидаги фарқ, аҳоли бандлигининг даражаси ва тузилмаси, аҳоли даромадларини ошириш бўйича таклифларни ишлаб чиқиш ҳам Департамент вазифалари этиб белгиланган.

 

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14340 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11517 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47003 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8374 Ўзбекистон
«Ўзбекистон 24» телеканали раҳбари ўзгарди
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 295 Жамият
Макка шаҳридаги меҳмонхоналардан бирида ёнғин чиқди
16:40 1582 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 1803 Lifestyle
Кўпроқ янгиликлар