Энг кучли паспорт ёки Кот-д’Ивуар ва Гвинеялар орасида қолиб кетган Ўзбекистон

Ўзбекистон 20 Январь 2017 63416

АҚШнинг Arton Capital компанияси томонидан тайёрланган янги тадқиқот натижаларига кўра, Ўзбекистон фуқароси паспортининг бугунги кучи дунёнинг 54та мамлакатига визасиз чиқиш имкониятини беришга етади. У рейтингда 70-ўринни банд этди.

Бу рейтингда энг кучли деб Германия паспорти тан олинди. У билан жаҳоннинг 158 мамлакатига бемалол саёҳат қилиш мумкин. Бутун дунёнинг энг кучли 2та паспортидан бири деб Швеция ва Сингапур паспортлари эътироф этилди. Бу мамлакатлар фуқаролари 157 давлатга ҳеч қандай чекловларсиз боришади. 

Паспортнинг кучи бўйича янги рейтингда кучли учликни тўлдирган Дания, Финляндия, Франция, Испания, Швейцария, Норвегия, Буюк Британия ва АҚШ фуқаролари ўзлари истаган пайтда дунёнинг 156 давлатига ҳеч бир қийинчиликсиз ташриф буюришлари мумкин.

Жаҳоннинг 148 мамлакатига боришга изн бериш билан МДҲ давлатлари орасида Эстония паспорти энг кучлиси бўлиб чиқди. Россия ўз паспортининг бугунги қудрати бўйича янги рейтингда жаҳоннинг 200га яқин давлати орасида 43-ўринни эгаллаган. Янги тадқиқот натижаларида россияликлар жаҳоннинг 103 давлатига ҳеч бир бош оғриқларсиз сафар қилишлари маълум бўлди.

Марказий Осиё давлатлари орасида эса куч-қудрат борасида Қозоғистоннинг паспортига етадигани топилмади. Қозоғистонликлар виза машмашаларисиз саёҳат қилишлари мумкин бўлган дунё давлатларининг сони бугун 69тага етган. 

Ўзбекистон эса бу борада Қозоғистон ва Қирғизистондан кейин минтақада учинчи энг яхши кўрсаткични қайд этди. Қирғизистон фуқаролари ўз паспортлари билан ўзбекистонликлардан кўра 4тага кўп давлатларга сафар қила олишлари маълум бўлди. 

Қўшни Тожикистон янги рейтингда 70-ўринни бўлишиб, паспортнинг бугунги кучи бўйича Ўзбекистон, Кот-д’Ивуар ва Гвинея билан бир хил натижа қайд этди. 

Ўзбекистон каби чиқиш визаси амалда бўлган дунёнинг бор-йўғи иккита давлатидан биттаси саналувчи Шимолий Корея эса бу рўйхатда 88-ўринни эгаллаган. Шимолий кореяликлар бугун жаҳоннинг атиги 39 давлатига чиқа олишлари маълум бўлди.

Шуни таъкидлаб ўтиш жоизки, биронта МДҲ давлати паспортининг қудратлилик бобида юқори ўнталикка кира олмаслик баробарида, қуйи ўнликка ҳам тушмаган.

Мутахассислар Ўзбекистонда чиқиш визаси бекор қилинса, бунинг ҳам давлат, ҳам инсонларга фойдаси бўлишини таъкидлашди. 

Фуқароларга дунёнинг 23тагина давлатига чиқишга изн бериш билан эса қўшни Афғонистон паспорти жаҳондаги энг кучсиз бўлиб чиқди. 

Паспорт кучи рейтинги Халқаро ҳаво транспорти агентлиги (IATA) ва бошқа манбалар маълумотлари асосида тайёрланди. Паспорт кучи деганда паспорт эгасининг дунёнинг қанча мамлакатига визасиз кира олиши назарда тутилади.

Аввалроқ Ўзбекистонда хорижга чиқиш учун рухсатнома (стикер) бекор қилиниши кутилаётгани ҳақида хабар бергандик.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 51801 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16199 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 98703 Ўзбекистон
БМТ бош котиби ва Хавфсизлик Кенгаши Барселонадаги терактни қоралаб чиқди
10:11 16 Жаҳон
Америкалик конгрессмен КХДРга қарши кенг кўламли киберҳужумни амалга оширишга чақирди
10:09 23 Жаҳон
Бемор арз қилишига нима сабаб бўлди?
62 ёшли эркак дунёнинг энг узун дарёларини сузиб ўтиб рекорд ўрнатди 
10:06 191 Жамият
Хитойда биринчи интернет-суд очилди
10:03 155 Жаҳон
БМТ: Испания қочқинлар билан ишлаш учун етарли манбага эга эмас
10:00 81 Жаҳон
Европа лигаси. «Милан» македонларга 6та гол урди, «Марсель» Слования клубини енга олмади ва бошқа натижалар
09:58 250 Спорт
Кўпроқ янгиликлар