«Барселона» президенти Жозеп Бартомеу жамоа ҳужумчиси Лионель Мессига янги шартнома таклиф қилишга тайёргарлик кўрмоқда. Клуб аргентиналик футболчига 2022 йилга қадар мўлжалланган шартнома таклиф қилиши кутилмоқда.

Мессининг «Барселона» билан амалдаги шартномаси 2018 йилнинг ёзига қадар мўлжалланган, унинг йиллик маоши, солиқлар чиқариб ташланганда 22 млн еврони ташкил қилади. Каталонияликлар ҳозирча Луис Суарес ва Неймар билан 2021 йилга қадар шартномани узайтиришга улгурган.   

Бартомеу аввалига Лионель Мессининг ўзи билан учрашиб олишни, кейин эса унинг отаси ва агенти Хорхе билан музокара олиб боришни ният қилган.