Kamida 14 kishi, jumladan bolalar Pokistonning Chitral okrugi hududida tog‘ ko‘chkisi oqibatida halok bo‘ldi. Bu haqda mahalliy hukumatga asoslangan holda DAWN nashri xabar tarqatdi.
Qidiruv-qutqaruv guruhi rahbari Nizomiddin Shohning aytishicha, qor ostidan 14 kishining jasadi chiqarib olingan. Uning so‘zlariga ko‘ra, 5ta uy qor ostida qolib, butunlay vayron bo‘lgan, yana 25 uy zararlangan. Hodisa oqibatida jarohatlangan 9 kishi shifoxonaga olib ketilgan.
Politsiya ma'lumotiga ko‘ra, Pokiston va Afg‘oniston chegarasidagi o‘tkazish punktida ro‘y bergan boshqa bir ko‘chki oqibatida 7 nafar chegarachi jarohatlangan.
