Қирғизистон давлат солиқ хизматига янги раис тайинланди. Бу ҳақда Қирғизистон ҳукумати ахборот таъминоти бўлими маълум қилди. 

Таъкидланишича, 6 февралда Қирғизистон бош вазири Сооронбай Жээнбеков Давлат солиқ хизмати (ДСХ) раҳбари этиб Октябрь Абдикаимов тайинлангани ҳақидаги фармонни имзолаган. Абдикаимов аввал ДСХ раиси ўринбосари лавозимини эгаллаган.

Абдикаимов 1971 йил Бишкекда туғилган.

ДХСнинг собиқ раҳбари Замирбек Осмонов янги ишга ўтган. У Иқтисодий жиноятларга қарши курашиш давлат хизмати раҳбари этиб тайинланган.