Kun.uz ўқувчилар мурожаатлари билан ишлашда давом этмоқда. Маълумки, Ўзбекистон Республикаси Президенти 2017 йил 2 февраль куни “Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида”га қарорга имзо чекди.

Таҳририятга ушбу қарор билан Ўзбекистоннинг қайси тоғли ва олис туманларида жойлашган бюджет ташкилотлари ходимларига иш ҳақи, шунингдек, ижтимоий тўловларни тўлиқ ҳажмда нақд шаклда амалга оширишга ойдинлик киритиш сўралган мурожаат келиб тушди.

Kun.uz бу масала юзасидан Ўзбекистон Республикаси Адлия вазирлиги матбуот хизмати билан боғланди. Маълум қилинишича, Ўзбекистон Республикаси Президентининг 2017 йил 2 февралдаги ПҚ-2753 “Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида” қарорининг иловасида тоғли ва олис туманлар рўйхати келтирилган.
Қуйида бюджет ташкилотлари ходимларига иш ҳақи тўлаш, шунингдек, ушбу туманлар аҳолисига ижтимоий тўловлар ҳам ҳеч қандай чекловларсиз тўлиқ ҳажмда нақд шаклда амалга оширилиши белгилаб қўйилган тоғли ва олис туманлар рўйхатини ўзбек тилида тақдим этамиз: 

Қорақалпоғистон Республикаси

1.  Қанликўл
2.  Қораўзак
3.  Кегейли
4.  Қўнғирот
5.  Мўйноқ
6.  Тахтакўпир
7.  Чимбой
8.  Шуманай

Андижон вилояти

1.  Булоқбоши
2.  Улуғнор
3.  Хонобод шаҳри

Бухоро вилояти

1.  Олот
2.  Қоракўл
3.  Қоровулбозор
4.  Пешку
5.  Ромитан

Жиззах вилояти

1.  Арнасой
2.  Бахмал
3.  Ғаллаорол
4.  Зомин
5.  Зарбдор
6.  Зафаробод
7.  Фориш
8.  Янгиобод

Қашқадарё вилояти

1.  Деҳқонобод
2.  Миришкор
3.  Муборак
4.  Нишон
5.  Чироқчи

Наманган вилояти

1.  Косонсой
2.  Мингбулоқ
3.  Норин
4.  Янгиқўрғон

Навоий вилояти

1.  Конимех
2.  Нурота
3.  Томди
4.  Учқудуқ

Сирдарё вилояти

1.  Ховос

Самарқанд вилояти

1.  Қўшработ
2.  Нуробод
3.  Пахтачи
4.  Ургут

Сурхондарё вилояти

1.  Бойсун
2.  Қизириқ
3.  Музробод
4.  Сариосиё
5.  Узун
6.  Шўрчи

Тошкент вилояти

1.  Бўстонлиқ
2.  Бўка
3.  Пскент

Фарғона вилояти

1.  Бешариқ
2.  Сўх
3.  Ёзёвон

Хоразм вилояти

1.  Ҳазорасп
2.  Шовот
3.  Янгиариқ
4.  Янгибозор

Ушбу рўйхат Ўзбекистон Республикаси Президентининг 2017 йил 2 февралдаги ПҚ-2753 “Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида” қарорининг 2-бандига илова асосида белгилаб қўйилган ҳамда тўловлар февраль ойидан бошлаб амалга оширилади.
Эслатиб ўтамиз, Президентнинг 2 февралдаги қарорида барча турдаги пенсияларни тўлаш ҳеч қандай чекловларсиз тўлиқ ҳажмда нақд шаклда амалга оширилиши ҳам белгилаб қўйилган.