Ливия миллий келишув ҳукумати раҳбари Фаёз ас-Сарражанинг автомобиль кортежи Триполи шаҳрида ўққа тутилди. Бу ҳақда РИА «Новости» Al Jazeera телеканалига асосан хабар бермоқда.

Телеканал манбаси маълумотига кўра, ҳодиса оқибатида Ливия бош вазирининг икки нафар қўриқчиси жароҳатланган.

Таъкидланишича, кортежда ас-Сарражанинг ўзи, Олий давлат кенгаши раиси ва президентни қўриқлаш хизмати бошлиғи бўлган.

Бош вазирнинг аҳволи ҳақида маълумотлар йўқ.