Ҳайдовчисиз автомобиллар пойгаси учун машина намойиш этилди

Технология 28 Февраль 2017 4381

Испаниянинг Барселона шаҳрида мобил саноатнинг энг йирик кўргазмаси Mobile World Congress (MWC-2017) бўлиб ўтмоқда. Унда Roborace пойгасида иштирок этиши кўзда тутилган спорткарнинг якуний намунаси намойиш этилди. Бу пойга мусобақасида сунъий ақлга эга бўлган машиналар куч синашади. Йўналишлар электромобиллар учун мўлжалланган Формула E чемпионатига ўхшаш бўлади. 

Пойга автомобилининг узунлиги 5 метрга яқин, энига 2 метрни ташкил этади. Ҳайдовчисиз автомобилга 4та 300 киловаттлик электромотор ўрнатилган бўлиб, вазни 975 кгга тенг. У соатига 320 км тезликда ҳаракатлана олади. 

Автомобиль Американинг видеопроцессорлар ишлаб чиқарувчи Nvidia томонидан ишлаб чиқилган Drive PX2 суперкомпьютери билан бошқарилади. Компьютерга маълумотларни 5 дона лидар, 2та радар, 18та ультратовушли датчик, 2та оптик тезлик ўлчагич, 6та (улардан бири 360 даражали) видеокамера узатади. 

Февраль ойи ўрталарида Roborace пойга сериясининг илк мусобақаси бўлиб ўтган эди. Унда машинанинг якуний намунаси эмас, балки DevBot деб номланган прототипи қатнашди. Бу пойга авария билан якунланди. Ишлаб чиқарувчиларнинг сўзларига кўра,  сунъий ақл чегараларни кенгайтирмоқчи бўлган, оқибатда автомобиль тўсиққа келиб урилган. 

Шу йилнинг июль ойидан Roborace пойгасида иккита машина қатнашади. Келаси йилги Формула Е мавсумидан ҳақиқий чемпионат бошланади. Тахминларга кўра, машиналарнинг техник кўрсаткичлари бир хил бўлади, аммо жамоалар машиналарни бошқарувчи дастурий таъминотлар борасида ўзлари истаганларини танлаши мумкин бўлади. 

 

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22286 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40368 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153636 Жамият
Кун.uz офис изламоқда
15:48 / 06.08.2017 43838 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 20 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 1285 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 807 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Сурхондарё вилоят ҳокими: Ғалладан бўшаган 100 фоиз майдонда такрорий экинлар экилган
19:23 1353 Жамият
Кўпроқ янгиликлар