Шимолий  Корея дипломати Чу Ён Цой Женевадаги қуролсизланишга бағишланган конференцияда КХДР етакчиси Ким Чен Иннинг акаси Ким Чен Намнинг ўлимига изоҳ берди. Reuters шу ҳақида хабар берди

"КХДР ҳеч қачон кимёвий қурол ишлаб чиқармаган, сақламаган ҳам - бизнинг позициямиз маълум. Биз Малайзиядаги воқеа юзасидан билдирилган тахмин ва миш-мишларни мутлақо инкор қиламиз", - дейди дипломат.

Бундан аввал Жанубий Корея ташқи ишлар вазири Юн Бёнсе КХДРга нисбатан қатъий чоралар кўришга, жумладан БМТга аъзолик ҳуқуқларидан маҳрум қилишга чақирганди.

14 февраль куни Малайзия полицияси Ким Чен Намнинг ўлимини тасдиқлади. Кейинроқ аэропортда икки аёлнинг унга ҳужум қилганлиги маълум қилинганди.