Ўзбекистонда бозор курсига босқичма-босқич ўтилади

Ўзбекистон 07 Март 2017 106123

Ўзбекистонда кейинги 3 ҳафта давомида АҚШ долларининг расмий курси кескин ўсиши кузатилмоқда. 3 ҳафтадан бери сешанба кунидан Марказий банк долларнинг расмий курсини қарийб 50 сўмдан оширмоқда ва бугунга келиб 1 АҚШ доллари — 3452,30 сўмга тенг бўлиб турибди.

Sputnik Ўзбекистон мухбири бу ҳолат сабаби, Ўзбекистон валюта барқарорлигини такомиллаштириш бўйича қандай чораларни кўраётганига қизиқиб, Ўзбекистон савдо-саноат палатаси раиси Алишер Шайхов билан суҳбатлашди.

Мутахассиснинг сўзларига кўра, валюта тизимини барқарорлаштириш — Ўзбекистон президенти томонидан илгари сурилган Ҳаракатлар стратегиясининг муҳим қисмларидан бири ҳисобланади.

«Ҳозирда бозор курсига ўтиш борасидаги режалар ишлаб чиқилмоқда. Албатта, бу маълум вақт талаб этади, барча эҳтимолий вазиятларни баҳолаш керак. Лекин асосийси, бу борада фаол иш олиб борилмоқда, биз барча келиб чиқадиган саволларни муҳокама қилиш учун экспертларни, жумладан, халқаро экспертларни таклиф этамиз. Ўзбекистон ёпиқ мамлакат эмас, шу боис ушбу соҳадаги ҳар қандай ўзгаришлар нафақат бизга, балки биз билан ишлаётган ҳамкорларимизга ҳам ижобий ёки салбий таъсир кўрсатиши мумкин», — дея қайд этган Алишер Шайхов.

Эксперт Ўзбекистон ҳукумати бозор курсига босқичма-босқич, бозор «шок-терапия»ларсиз ўтишини таъкидлаган.

«Ҳукумат бугунги кунда бу жараён (доллар расмий курсининг ошиши — таҳр.) кузатувчисигина бўлиб тургани йўқ. Ҳукумат халқаро меъёрларга тўла жавоб берадиган барқарор валюта тизимига ўтиш учун маълум қадамларни ташламоқда. Расмий курснинг ўзгариши ҳам ана шундай чоралардан далолат беради. Ҳукумат барқарор бозор валюта тизимига равон ва босқичма-босқич ўтишни мақсад қилган, бу Ҳаракатлар стратегиясида аниқ-равшан баён этилган. «Шок» усули Ўзбекистонга мос эмас», — деган Шайхов.

Унинг фикрича, янги тизимга оқилона, мақсадга мувофиқ ва муносиб муддатда ўтилади.

«Янги тизимга ўтиш жараёни қачон якунига етишини аниқ айтиш қийин, бу вақт талаб қилади. Лекин бир нарсани ишонч билан айтишим мумкин — ўзгача бозор механизмига ўтишимиз учун шу йилнинг ўзидаёқ етарлича иш бажарилади», — дея қайд этган у.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 70901 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36986 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21401 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 80805 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61803 Жамият
Бразилияда бортида 70 киши бўлган паром чўкиб кетди
00:20 132 Жаҳон
Германиядаги йўл-транспорт ҳодисасида 44 руминиялик жабрланди
00:17 70 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 268 Маданият
Ўзбекистонлик иқтисодчи халқаро танловда ғолиб бўлди
23:30 / 23.08.2017 1187 Ўзбекистон
“Хато” тўфони Ҳонгконгга етказган зиён миллиард доллардан кўпроққа баҳоланмоқда
23:26 / 23.08.2017 759 Жаҳон
Кўпроқ янгиликлар