«Барселона» ҳужумчиси Неймар «ПСЖ»га қарши ўйиндан кейин берган интервьюсида жамоадоши Лионель Мессининг шартномани узайтиришига ишончи комиллиги ҳақида гапириб ўтди.

«Месси янги шартномани имзолайди, бу аниқ.

Мен билан ҳам шундай бўлади, мен «Барселона»да жуда бахтиёрман, бу футболчилар билан янада яхшироқ даражага чиқаман», – дея футболчининг сўзларини келтирган Mundo Deportivo.

Аргентиналик футболчининг амалдаги шартномаси 2018 йилнинг ёзига қадар бўлсада, томонлар бу шартномани узайтириш борасида келишувга эриша олишмаяпти.