Батумидаги тартибсизликлар тафсилотлари. 40дан ортиқ киши қўлга олинган

Жаҳон 12 Март 2017 7097

Грузиянинг Батуми шаҳрида уюштирилган митинг оқибатида юзага келган тартибсизликлар якунида 40дан ортиқ киши қўлга олинди. Бу ҳақда Грузия ИИВ раҳбари Георгий Мгебришвили маълум қилган.

"Грузия ҳудудида бунга ўхшаш тартибсизликлар куч қўлланиши орқали тўхтатилади. Тартибсизликларда иштирок этган шахслар қонун бўйича жазоланади", - деган вазир.

Унинг сўзларига кўра, қўлга олинганларнинг баъзилари бўйича тергов ишлари бошланган. У "Рустави 2" телеканали орқали чиқишида барчани уйида ўтиришга чақирган.

"Мен вазирликда кадрлар ўзгаришини истисно этмайман. Аммо бу воқеаларга жиддий ёндашилади", - деган Мгебришвили. У Батумида ёки мамлакатнинг бошқа шаҳарларида фуқаролар қонун чегараларидан ташқари чиқиш қилишига нисбатан куч ишлатилишидан огоҳлантирган.

11 март оқшомида Батумида юзлаб кишилар Аджария полиция бошқармаси истеъфога чиқишини талаб қилиб, намойишга чиқди. Сўнгра намойишчилар ва полициячилар ўртасида тўқнашувлар бошланган. Шаҳарнинг турли нуқталарида полициячиларнинг автомобиллари ёқиб юборилган.

Аджария соғлиқни сақлаш вазири Заал Микеладзенинг маълумот беришича, Батумидаги клиникаларга тартибсизликлар вақтида жабрланган 33 киши мурожаат қилган, шундан 15 нафари полициячилар бўлган.

Шанба куни Батумида патрул полицияси ходими автомобил ҳайдовчисини йўл ҳаракати қоидасини бузгани учун жаримага тортган. Гувоҳларнинг айтишича, полициячи бу вақтда ҳайдовчини қаттиқ ҳақорат қилганди. Ҳайдовчини атрофдаги кишилар қўллаб-қувватлашган. Натижада полицияга бўйсунмаганлиги учун 6 киши қўлга олинган. Тез орада Аджария полицияси бошқармаси биноси олдида минглаб кишилар тўпланган. Улар патрул полицияси бошлиғи Малхаз Батиашвилининг истеъфога чиқарилишини талаб этишган. Улар Батиашвили лавозимга тайинлангач, асоссиз жаримага тортиш ҳолатлари ва жарима миқдорлари кескин кўпайганини билдиришган.

Акция тез орада тартибсизликка айланиб кетган. Грузия ИИВ раҳбари Георгий Мгебришвили Батумига етиб борган. Шаҳарда тез орада тартиб ўрнатилди.

 

Кун янгиликлари
Абитуриент ҳикояси: “Мен ўқув маркази томонидан алдандим”
10:34 26316 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 41372 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 156091 Жамият
Кун.uz офис изламоқда
15:48 / 06.08.2017 44433 Lifestyle
«Уэмбли»даги тарихий учрашувда «Челси» ғалаба қозонди
22:20 106 Спорт
Озарбойжонлик дизайнер ўзбек хон-атласи ва шойиларини жаҳон подиумларига олиб чиқмоқчи
21:53 868 Жамият
Қатар Саудия Арабистонидан ҳаж зиёратчилари учун юборилган самолётларни ўз ҳудудига қўймади
21:48 2162 Жаҳон
Ҳиндистонда 70 минг долларлик бриллиантларни эгасига қайтарган ўсмир муносиб тақдирланди
21:31 2100 Жамият
АПЛ. «Ҳаддерсфилд» яна ғалаба қозонди
21:09 1465 Спорт
Японияда 74 ёшли альпинист ёрдам кутган ҳолда бир ҳафта шоколад билангина жон сақлади
21:07 1287 Жамият
Кўпроқ янгиликлар