Январь ойидаги мажлисда ишдан олинган раҳбарлар ўрнига янгилари тайинланди

Ўзбекистон 13 Март 2017 24539

Вазирлар Маҳкамасининг 9 февралдаги қарорига кўра, «Ўзкимёсаноат» компанияси бошқаруви раиси этиб Абдуҳошим Абдуллаев тайинланган. «Ўзэлтехсаноат» компаниясига эса Фазлиддин Бакиев раҳбар бўлган. Бу ҳақда ҳукумат порталида маълум қилинган.

«Ўзкимёсаноат»нинг аввалги раиси Нормат Ибрагимов 14 январь куни ўтказилган, мамлакатни 2016 йилда ижтимоий-иқтисодий ривожлантиришнинг асосий якунлари ва 2017 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисида президент Шавкат Мирзиёев томонидан танқидга учраб, ишдан олинганди.

Худди шу мажлисда «Ўзэлтехсаноат» компанияси раҳбари Эркин Иминов ҳам ўз лавозимидан ажралганди.

Абдуҳошим Абдуллаев (1950 йили туғилган) 2008 йилдан буён «Фарғонаазот» компанияси раҳбари лавозимида ишлаб келаётганди. Ундан олдин эса 2006—2008 йилларда Фарғона вилояти ҳокими, 2005—2006 йилларда — Марғилон ҳокими бўлиб ишлаган. 1992—2005 йилларда эса Фарғона «Азот» компаниясида аввал директор ўринбосари, кейинроқ бош директор лавозимларида фаолият юритган.

Абдуҳошим Абдуллаев.
Фото: uzkimyosanoat.uz

Фазлиддин Бакиев (1969 йилда туғилган) 2007 йилдан Вазирлар Маҳкамасида фаолият юритиб, 2013 йилдан макроиқтисодий ривожланиш, таркибий ислоҳотлар ва хорижий инвестициялар жалб этиш масалалари бўйича йиғма ахборот-таҳлил департаменти раҳбари лавозимини эгаллаб келган. 1995—2005 йилларда Марказий банкда турли лавозимларда ишлаган. 2005—2007 йилларда Марказий банк раиси ўринбосари лавозимида фаолият кўрсатган.

 

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71691 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37281 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21600 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81383 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61962 Жамият
Forbes: Бой бўлишдан уялмаган Малкольм Форбс
01:13 1229 Lifestyle
Зидан ҳеч қандай музокараларсиз «Реал» билан шартномани узайтиради
00:53 857 Спорт
Бразилияда бортида 70 киши бўлган паром чўкиб кетди
00:20 784 Жаҳон
Германиядаги йўл-транспорт ҳодисасида 44 руминиялик жабрланди
00:17 350 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 672 Маданият
Кўпроқ янгиликлар