FIDE prezidenti iste'foga chiqqani haqidagi xabarlar rad etildi

Xalqaro shaxmat federatsiyasi (FIDE) prezidenti Kirsan Ilyumjinov iste'foga chiqdi, deb xabar berildi tashkilot rasmiy saytida.

"FIDE’ning Afina shahrida 26 mart kuni bo‘lib o‘tgan kengashi yig‘ilishi oxirida Ilyumjinov tashkilot prezidentligi lavozimidan iste'foga chiqishi haqida ma'lum qildi”, - deyilgan saytda.

Keyinchalik Ilyumjinov TASS’ga bu ma'lumot asossiz ekanini bildirdi.

"Meni lavozimimdan ketkazishmoqchi bo‘lishdi, biroq bu amalga oshmadi. Men hech nimaga imzo qo‘ymadim hamda iste'foga ketayotganim yo‘q. O‘ylashimcha, bunda amerikaliklarning qo‘li bor", - degan Ilyumjinov.

U FIDE prezidenti etib 1995 yilning noyabrida saylangan, shundan so‘ng bir bora bu lavozimga qayta saylanib keldi.

2015 yilning noyabrida AQSh moliya vazirligi Ilyumjinovni Suriya prezidenti Bashar Asadni qo‘llab-quvvatlashda ayblab, sanksiyalar ro‘yxatiga kiritdi.