Россия президенти матбуот котиби Дмитрий Песковнинг маълум қилишича, Владимир Путиннинг АҚШ президенти Дональд Трамп билан учрашуви Россия ва АҚШ муносабатлари яхшиланишига омил бўлиши мумкин. У бу ҳақда ABC телеканали учун берган интервьюсида гапирган.

«Мен шундай ҳисоблайман: агар бу икки президент учрашиб, фикрлар алмашса ва мулоқотни тиклашга қарор қилишса, икки мамлакат муносабатлари яхшиланиши учун имконият юзага келади», — деган Песков.

Бундан олдинроқ Путин Трамп билан Хельсинкида, Арктика саммити доирасида учрашиши мумкинлиги ҳақида гапирганди.