Англия премьер-лигасининг 30-туридан ўрин олган дастлабки учрашув якунланди. Мерсисайд дерби доирасидаги учрашувда «Ливерпуль» «Эвертон»ни ўз уйида қабул қилди.

Учрашувнинг 8-дақиқасида Садио Мане қизилларни ҳисобда олдинга олиб чиққан бўлса, 28-дақиқада Мэттью Пеннингтон ҳисобни тенглаштирди. Бироқ орадан кўп ўтмай мезбонлар яна ҳисобда олдинга чиқиб олишди.31-дақиқада Филиппе Коутиньо ўз услубида гол киритди.Иккинчи бўлимда айнан Коутиньонинг пасидан сўнг Дивок Ориги Роблес дарвозасини ишғол қилиб, якуний натижани жамоасига тақдим этди.

Ушбу ғалабадан кейин «Ливерпуль» ҳисобидаги очколар сони 59тага етказиб олди. Клопп шогирдлари икки учрашув кўп ўтказган ҳолда «Манчестер Сити»ни икки очкога ортда қолдирган бўлса, «Тоттенҳэм»га тенглашиб олди. «Эвертон» эса 50 очко билан 7-ўринда қоладиган бўлди.

Англия премьер-лигаси, 30-тур

Ливерпуль – Эвертон 3:1 (2:1)
Голлар:
Мане (8), Коутиньо (31), Ориги (60) – Пеннингтон (28).
Ливерпуль: Миньоле, Матип, Клайн, Ловрен, Коутиньо (Александер-Арнолд, 74), Вейналдум, Фирмино (Клаван, 90+1), Лейва, Мане (Ориги, 57), Жан, Милнер.
Эвертон: Роблес, Пеннингтон (Бэрри, 67), Уильямс, Жагелка, Бейнс, Дэвис (Валенсия, 66), Гуйе, Баркли, Ҳолгейт, Лукаку, Кэлверт-Льюин (Миральяс, 82).
Огоҳлантиришлар: Дэвис (26), Баркли (40), Уильямс (62), Жан (68).