Spiegel: Меркель ёмон оқибатнинг олдини олиш учун Москвага келмоқда

Жаҳон 11 Апрель 2017 21975

Германия канцлери Ангела Меркель Украина ва Суриядаги инқирозларга барҳам бериш бўйича олға силжиш кўзга ташланмагунча Москвага келмоқчи эмас эди. Бироқ, унинг қарашлари кутилмаганда ўзгариб кетди, деб ёзмоқда Spiegel нашри.

Меркель 2 май куни Москвага келади. Берлин маъмурияти бу ташрифни Ҳамбургда бўлиб ўтадиган G20 саммитига тайёргарлик, деб айтмоқда. 

"Аслида, бу сафар  — ёмонликнинг олдини олишга уринишдир", — дейилади мақолада. 

Нашр тахминига кўра, немис дипломатлари Украинадаги вазиятни ўта хавфли деб баҳолашади. Сўнгги ойларда Донбассдаги аҳвол анча ёмонлашди, деб ёзади мақола муаллифи. Шу билан бирга, Дональд Трампнинг Америка президентлиги учун ғалабаси жаҳон сиёсатидаги қарталарни қориштириб юборди. Трамп Вашингтонда лавозимига киришганидан 3 ой ўтган бўлса-да, Россияга нисбатан сиёсат борасида аниқ тўхтамга келгани йўқ. 

"Вазият ўта хавфли", — деб ёзган Spiegel, канцлер маъмурияти эса бошқа нарсани кутаётганини таъкидлайди. 

Трамп сайланганидан сўнг, Берлиндагилар, унинг Украина бўйича Путин билан келишиб олишидан хавотирланишган эди. Бу канцлернинг обрўсига путур етказар эди. Чунки, Меркель Россияга қарши санкцияларнинг жиддий тарафдорларидан бири эди. 

"Аммо, акси рўй берди. Вашингтон Москвага нисбатан шунчалик кутиш сиёсатини танладики, ишлашнинг ўзи мушкул вазифага айланмоқда. АҚШ ва Россиянинг фаол яқинлашуви эмас, балки умуман алоқасизлиги бош оғриғига айланди". 

Америка президенти маъмуриятининг "Россия билан алоқалари"ни суриштириш Трамп маъмуриятини "мудофаага ўтишга" мажбур қилди. Энди эса, у Россияга яқинлашиш йўлини топа олмаяпти. "Айни вақтда Трамп Москвага алоқадор барча нарсада салоҳиятга эга эмас", — дея федерал ҳукуматдаги манба сўзларидан иқтибос келтиради газета. 

Ҳозирча, Кремль кутишни маъқул кўрмоқда, дейди Spiegel. Москва Вашингтонда қайси кучлар ғолиб чиқишини диққат билан кузатаяпти. У ерда Москвага дўстона ёки душманона кайфиятдагилар қўли баланд келиши номаълум. Шундай экан, "хавфли бўшлиқ" пайдо бўлди. 

Меркель, ўз навбатида, юзага келган вазият жуда ҳам жиддий, деб ҳисоблайди. Канцлер уч ҳафта муқаддам, "америкаликларни ўйинга қайтариш учун" Вашингтонга келган эди, энди эса Россияга йўл олмоқда. 

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 70812 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36957 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21372 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 80735 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61782 Жамият
Бразилияда бортида 70 киши бўлган қайиқ чўкиб кетди
00:20 78 Жаҳон
Германиядаги йўл-транспорт ҳодисасида 44 руминиялик жабрланди
00:17 43 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 232 Маданият
Ўзбекистонлик иқтисодчи халқаро танловда ғолиб бўлди
23:30 / 23.08.2017 1047 Ўзбекистон
“Хато” тўфони Ҳонгконгга етказган зиён миллиард доллардан кўпроққа баҳоланмоқда
23:26 / 23.08.2017 693 Жаҳон
Кўпроқ янгиликлар