Тошкентда автомобилларни ўмарган гуруҳ аъзоси қидирилмоқда

Жамият 13 Апрель 2017 10388

2017 йил 9 апрель куни Чилонзор туманида автомобиль ўғирлиги содир этилган. Тошкент ИИББда маълум қилишларича, номаълум шахслар Чилонзор тумани фуқароси Р.га тегишли бўлган Матиз русумли автомобилнинг ўнг олд эшигини номаълум жисм билан очиб, салон ичида бўлган 350 минг сўмлик чармдан ишланган спорт пойабзали ва 500 минг сўм нақд пулни ўғирлаб, воқеа жойидан яширинган. 

Ушбу ҳолат юзасидан, Жиноят кодексининг 169-моддаси 1-қисми билан жиноят иш қўзғатилган. Олиб борилган тезкор-тергов тадбири натижасида ушбу жиноятни содир этишда муқаддам ўғирлик жинояти учун судланган Бахтиёр Исмоилов ва бир неча марта ўғирлик жиноятларини содир этганлиги учун қидирувда бўлган Улуғбек Мирсоатовлар гумонланиб, Исмоилов далилий ашё билан қўлга олинган. 

Бундан ташқари, улар 2017 йил 4 февраль куни Шайхонтоҳур туманида фуқаро С.га тегишли Матиз русумли автомашинасидан жами 2 млн 287 минг 400 сўмлик пул ва қимматбаҳо буюмлар, фуқаро М.га тегишли бўлган фуқаролик паспорти, ҳайдовчилик гувоҳномаси ва бошқа ҳужжатлар ҳамда муҳрлар ўғирланган. 

2017 йил 6 март куни айни туманда фуқаро Р.нинг Матиз машинасидан жами 1 млн 165 минг сўмлик пул ва буюмлар ўғирланган. Исмоиловга нисбатан ЖКнинг 169-моддаси 3-қисми “а” банди, яъни “бир гуруҳ шахслар томонидан ўзгалар мулкини яширин равишда талон-тарож қилиш” бўйича айблов эълон қилиниб, унга нисбатан қамоққа олиш эҳтиёт чораси кўрилган. Унинг иккинчи шериги Мирсоатов Улуғбек шаҳар ИИББ томонидан қидирилмоқда. Шаҳар ИИББ мазкур қидирувда бўлган шахсни кўрган-билганлар бўлса, 102 қисқа рақами ёки яқин орадаги ички ишлар идораларига мурожаат қилишларини сўрайди. 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 24022 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 11881 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 82860 Ўзбекистон
Тарихда биринчи марта Сатурн атмосферасига киришга муваффақ бўлинди
20:25 357 Жамият
ФИФА йил футболчиси бўлиш учун асосий даъвогарлар рўйхатини эълон қилди
20:19 2121 Спорт
Япониядаги барда маймунлар официантлар сифатида ишламоқда
20:06 1063 Жамият
Конте Белотти трансферини истамоқда, Абрамович бунга қарши
20:06 626 Спорт
Самарқандда ёшлар ташаббуси билан намунали тўй бўлиб ўтди (фото)
20:05 4571 Жамият
Turkish Airlines рейси йўловчиси комага тушиб, самолётда жон берди
19:58 1091 Жамият
ФИФА йилнинг энг яхши мураббийлиги учун даъвогарлар номини эълон қилди
19:54 2232 Спорт
Кўпроқ янгиликлар