Ўзбекистон ҳозирги босқичда турли тузилмаларга, жумладан, Коллектив хавфсизлик шартномаси ташкилоти (КХШТ/ОДКБ) ҳамда Евроосиё иқтисоди иттифоқи (ЕОИИ/ЕврАзЭС) ташкилотларига кириш заруратини кўрмаяпти. Бу ҳақда Ўзбекистон ТИВ раҳбари Абдулазиз Комилов журналистларга маълум қилган.

«Ўзбекистон давлатлар билан икки томонлама алоқаларни кучайтиришга эътибор қаратади», деган Комилов.

14 апрель куни Халқаро пресс-клубнинг «Ўзбекистон ташқи сиёсатининг янги босқичдаги долзарб масалалари» мавзусида сессияси бўлиб ўтди. Унда Абдулазиз Комилов ҳамда Олий Мажлис Сенати раисининг биринчи ўринбосари Содиқ Сафоев журналистларнинг саволларига жавоб қайтарди.