Ўзбекистон Стокҳолмдаги террорчи Раҳмат Оқилов ҳақида расман маълумот берди

Ўзбекистон 14 Апрель 2017 89053
Фото: Aftonbladet

Расмий Тошкент Стокҳолмдаги терактни содир этган Раҳмат Оқилов ИШИД аъзоси бўлганини тасдиқлади. Бу ҳақда Ўзбекистон ТИВ раҳбари Абдулазиз Комилов журналистлар билан учрашув вақтида маълумот берган.

«Хорижда бўлиш мобайнида у интернет тармоғи орқали халқаро ИШИД террористик гуруҳи эмиссарлари томонидан оғдириб олинган. Мавжуд маълумотларга кўра, ўз ватандошларини Сурияда ИШИД томонида жанговар ҳаракатларда иштирок этишга фаол тарғиб қилиб келган. Кўп марта интернет-мессенжерлари орқали Ўзбекистондаги яқинларига террористик мазмундаги видеороликларни жўнатиб турган ва уларни Ўзбекистон ҳокимият, бошқарув органлари, ҳуқуқни муҳофаза қилиш тузилмалари ходимларига қарши зўравонлик ҳаракатларини амалга оширишлари учун оғдиришга ҳаракат қилган.

Оқиловга нисбатан Ўзбекистон Жиноят кодексининг 127, 244 ва 244−1 моддаларида кўзда тутилган жиноятларни амалга оширганлик учун жиноий иш очилган.

Самарқанд ҳуқуқ-тартибот органлари томонидан Стокҳолм шаҳридаги терактни содир этган Оқиловга нисбатан Жиноят кодексининг қатор моддалари бўйича жиноят иши очилган ва Швециянинг махсус хизматига тегишли чора кўриш учун юборилган», деган Комилов.

Эслатиб ўтамиз, 7 апрель куни Раҳмат Оқилов Швеция пойтахти Стокҳолм шаҳрида юк машинасини олиб қочиб одамлар устига ҳайдади. Ушбу ҳужум оқибатида 4 киши қурбон бўлиб, 15 киши жароҳат олди.

Кўп вақт ўтмасдан маҳаллий полиция ўзбекистонлик Раҳмат Оқиловни ушбу теракт ижрочиси сифатида гумон қилиб қўлга олди. Гумонланувчи ўз айбига иқрор бўлди. 

Самарқандда 1978 йилда туғилган Раҳмат Оқилов 2014 йили Швецияда доимий яшаш учун сўров берган, бироқ 2016 йилда унинг сўровига рад жавоби берилган ва у депортация қилиниши лозим эди. 2017 йил февралида у мамлакатдан чиқариб юбориш учун қидирувга берилган.

Раҳмат Оқилов февраль ойида Ўзбекистон томонидан қидирувга берилганди

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34317 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72588 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10588 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136849 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 240 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 1015 Жамият
Виталий Денисов футболга қайтганидан хурсанд
02:29 553 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 732 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар