Лавлаги шарбати мияни ёшартириши аниқланди

Lifestyle 19 Апрель 2017 17447

Спорт ёки фитнес билан шуғулланишдан аввал лавлаги шарбатини истеъмол қилиш миянинг сезиларли даражада ёшариши ва унинг фаолияти яхшиланишига олиб келади. Олимларнинг Gerontology журналига тақдим этган маълумотлари шу ҳақида. 

"Биз жисмоний машқлар мияга ижобий таъсир кўрсатишини яхши биламиз. Бироқ бизнинг кичик тадқиқотимиз шуни кўрсатдики, интенсив жисмоний машқлар лавлаги шарбати билан биргаликда кекса ёшли гипертониклар (қон босими юқори кишилар) миясига янада кучли таъсир қилиб, уни ёшларнинг миясига монанд қилар экан", - деди АҚШнинг Уэйк-Форест университетидан Жек Режески.

Лавлаги шарбати фойдали витаминлар, нутриентлар ва микроэлементлардан ташқари, катта миқдордаги нитратлар, азот бирикмаларини ҳам ўзида жамлаган. Азот бирикмаларининг организмга тушиши муҳим биомолекулалар - азот монооксидини ишлаб чиқаришга ёрдам берар экан. Яқинда олимлар лавлаги шарбатининг бундай хусусияти тоғларда яшаш вақтида ёрдам бериши, шунингдек қон босими баланд кишиларнинг ҳаётини яхшилашини аниқлашди.

Режески ва унинг ҳамкасблари таъкидлашича, кекса ёшли кишиларда мия фаолиятидаги кўплаб муаммолар капиллярлар ва миянинг бошқа томирлари фаолиятидаги муаммолар билан боғлиқ. Олимларнинг тахминларига кўра, мунтазам равишда лавлаги шарбатидан ичиб ва бадантарбия билан шуғулланиб, бу муаммоларни баратараф қилиш мумкин.

Улар 55 ёш ва ундан катта бўлган, спорт билан шуғулланмаган ва юқори қон босимидан азият чеккан 26 нафар эркак ва аёл иштирокида кичик тадқиқот ўтказишди. Иштирокчиларнинг ярми ҳафтада уч марта ҳақиқий лавлаги шарбатини истеъмол қилди ҳамда югуриш йўлакчасида соатлик югуриш машқларни бажарди, қолганлар эса - лавлаги таъми берилган рангли сув ичиб, худди шундай жисмоний машқларни бажаришган.

Тадқиқот натижаларига кўра, икки ҳолатда ҳам мия фаолияти яхшиланган, бироқ ҳақиқий лавлаги шарбатини истеъмол қилган нафақахўрлар тажрибанинг бошқа иштирокчиларига нисбатан узоқроққа борган. Атиги 6 ҳафтадан кейин кўнгиллилар миясининг қўл ва оёқлар ҳаракати учун масъул асаб ҳужайралари фаоллиги 30-35 ёшли соғлом кишиларникидек бўлгани қайд қилинган.

Шуниси қизиқки, ҳақиқий бўлмаган лавлаги шарбатини ичган кишиларда бундай ўзгаришлар аниқланмаган. Яқин орада Рожеский жамоаси бундай таъсирнинг қанчалик узоққа чўзилишини текшириб, лавлаги шарбатининг ижобий таъсирини кенг кўламли тадқиқотларда синаб кўришни режалаштирган.

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 30275 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 43374 Жамият
Time нашри интернетдаги энг нуфузли одамлар кимлигини маълум қилди 
23:22 / 26.06.2017 1247 Жамият
Нидерландияда собиқ турмалар қочқинлар учун бошпанага айлантирилмоқда
23:19 / 26.06.2017 365 Жамият
АҚШда ит яна шаҳар мэри этиб сайланди
22:38 / 26.06.2017 3002 Жамият
Усэйн Болт 2020 йилги Олимпиадада иштирок этиши мумкин
22:35 / 26.06.2017 1031 Спорт
Дайжест: Ўзбекистонда ҳайит байрами, Кореяга кетган ўзбек мигрантларида муаммо, босим остида қолган Telegram ва бошқа хабарлар
22:30 / 26.06.2017 3258 Жаҳон
АҚШ олий суди Трампга мусулмонларга АҚШга киришни қисман тақиқлашга рухсат берди
22:17 / 26.06.2017 1814 Жамият
Хитой стартапи 8 минг долларлик электромобиллар сотишни бошлайди
21:53 / 26.06.2017 2710 Технология
Эрон исботланган газ захиралари бўйича етакчилик қилмоқда
20:48 / 26.06.2017 3938 Иқтисодиёт
Кўпроқ янгиликлар