Тошкент дербисида ғалаба қозонган «Локомотив» яна ўз ўрнига қайтди

Спорт 21 Апрель 2017 4295

Ўзбекистон чемпионатининг 7-туридан ўрин олган марказий учрашув «Пахтакор» стадионида бўлиб ўтди. Унда «Пахтакор» футболчилари «Локомотив»ни қабул қилди.

Учрашувнинг 9-дақиқасида Станислав Андреев пенальтини аниқ амалга ошира олмади. 26-дақиқада эса Марат Бикмаев унга 11 метрлик нуқтадан қандай тарзда зарба бериш лозимлигини кўрсатиб қўйди ва ҳисобни очди. 34-дақиқада Аднан Ораховац ҳисобни тенглаштирди.

Иккинчи бўлимда сўнгги декадасида Марат Бикмаев Лобановдан қайтган тўпга биринчи бўлиб етиб келган ҳолда жамоасини ҳисобда олдинга олиб чиқди.

Сўнгги дақиқалар жуда асабий руҳда ўтди. Аввалига Камолиддин Тожиев қизил карточка олиб майдоннни тарк этди. Ҳакам томонидан қўшиб берилган дақиқаларда жарима майдончасига етиб келган «Пахтакор» дарвозабони Александр Лобанов Муҳаммад Коне билан тортишиб қолгани учун аввалига сариқ карточка ишлаб олди. Ўша вазият давомида бурчакдан етказиб берилган тўпни Лобанов боши билан дарвозага йўллаб қаҳрамон бўлиши мумкин эди. Бироқ унинг зарбаси ноаниқ кетди. Ноаниқликдан асабийлашган Лобанов Нестеров эркин зарба билан ўйинга киритишни истаган тўпни тепиб юборди ва бир дақиқа ичида иккинчи сариқ карточкани олиб майдондан ҳайдалди. Учрашувда эса ҳисоб ўзгармай қолди.

Ушбу ғалабадан кейин «Локомотив» ҳисобидаги очколар сони (6 ўйин) 15тага етди ва жамоа турнир жадвалида яққол пешқадам бўлиб олди. «Пахтакор»эса 7 учрашувда 7 очко тўплаб, 12-ўрнига тушиб кетди.

Олий лига, 7-тур
«Пахтакор» – «Локомотив» 1:2 (1:1).
Голлар:
 Аднан Ораховац (34) — Марат Бикмаев (26, пенальти, 81). 
Амалга оширилмаган пенальти: Станислав Андреев (9, Пахтакор)

«Пахтакор»: Александр Лобанов, Владимир Козак (Жамшид Искандеров, 68), Аднан Ораховац, Юрица Булят, Даврон Ҳошимов, Азим Аҳмедов, Акбар Исматуллаев, Камолиддин Тожиев, Станислав Андреев, Шерзод Каримов (Ҳожиакбар Жўраев 90+5), Жасур Ҳакимов (Шохруҳ Маҳмудҳожиев, 86).
«Локомотив»: Игнатий Нестеров, Олег Зотеев, Ислом Тўхтахўжаев, Муҳаммад Коне, Салим Мустафоев (Бобур Йўлдошев, 60), Кахи Махарадзе, Тимур Кападзе, Икром Алибоев, Сардор Мирзаев, Марат Бикмаев (Қувондиқ Рўзиев, 84), Мурод Бобожонов (Диёр Туропов, 70).
Огоҳлантиришлар: Владимир Козак (19), Марат Бикмаев (27), Даврон Ҳошимов (42), Кахи Махарадзе (60), Камолиддин Тожиев (78), Александр Лобанов (90+3), Муҳаммад Коне (90+3) 
Четлатиш: Камолиддин Тожиев (85), Александр Лобанов (90+3, иккаласи — Пахтакор)

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 30724 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16873 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 66348 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57557 Жамият
Трамп АҚШ ҳукуматини ёпиш билан таҳдид қилди
10:50 2233 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Трамп: Ким Чен Ин АҚШни ҳурмат қилишни бошлади
10:30 3095 Жаҳон
Шайхонтоҳур туманидаги қасддан одам ўлдириш фош этилди
10:27 2725 Жамият
Фарғонада ўқитувчиларни мажбурий меҳнатга жалб қилган халқ таълими мудираси ишдан олинди
Тожикистон-Хитой товар айланмаси 3 йилдан сўнг 3 млрд долларга етади
10:18 714 Жаҳон
Кўпроқ янгиликлар