Foto: AP
2012 yilda huquq himoyachisi Malala Yusufzoyga suiqasd qilinishi uchun javobgarlikni o‘z zimmasiga olgan, "Tolibon" radikal harakatining qo‘mondonlaridan biri Pokiston xavfsizlik kuchlariga taslim bo‘ldi, deb yozmoqda Times nashri.
Ehsonulloh Ehson nomi bilan ham ma'lum bo‘lgan Liakat Ali 5 yil avval "Tolibon"ning yuqori mansabdor shaxslaridan biri bo‘lgan. U Yusufzoyga hujum qilingandan keyin bu hujum uchun javobgar ekanini e'lon qilgan.
Pokiston "yuqori lavozimli" qo‘mondon nima uchun taslim bo‘lganining tafsilotlarini keltirib o‘tirmadi, biroq nashrning ma'lum qilishicha, jangari Pokiston armiyasida o‘zining sobiq "maslakdoshlari" ta'qibidan panoh izlagan.
