«Реал» жамоаси бош мураббийи Зинедин Зидан Мюнхеннинг «Бавария» жамоаси ҳимоячиси Жером Боатенгга қизиқиш билдирмоқда. Бу ҳақда Kicker хабар тарқатди.

Манба маълумотига кўра, Германия терма жамоасига номзод ушбу футболчи мавсум якунида жамоани тарк этадиган Пепега ўринбосар сифатида кўрилмоқда. Боатенг учун испанлар жамоаси 40 млн евро тўлашга тайёр.

Аввалроқ Боатенг «Бавария»да ўйин амалиётига эга бўлмаётгани туфайли норози экани ва ўзининг жамоадаги истиқболини Карло Анчелотти билан муҳокама қилмоқчилиги ҳақида хабарлар берилганди. У Бундеслиганинг жорий мавсумида жароҳати туфайли атиги 12 учрашувда майдонга туша олди. Боатенгга айни вақтда «Рома» ҳам қизиқиш билдирмоқда.